2026 جىلعى فۋتبولدان ەلەم چەمپيوناتى باستالدى, دەپ حابارلايدى dalanews.kz.
ەلەم بٸرٸنشٸلٸگٸنٸڭ العاشقى ماتچى ا توبى اياسىندا مەكسيكا مەن وڭتٷستٸك افريكا رەسپۋبليكاسى قۇرامالارى اراسىندا ٶتٸپ جاتىر. كەزدەسۋ مەحيكو قالاسىنداعى ەيگٸلٸ «اتستەكا» ستاديونىندا ۇيىمداستىرىلۋدا. ماتچتىڭ باس تٶرەشٸسٸ رەتٸندە برازيلييالىق ۆيلتون سامپايو قىزمەت اتقارۋدا.
توپتىق كەزەڭنٸڭ ەكٸنشٸ تۋرىندا مەكسيكا قۇراماسى 19 ماۋسىمدا وڭتٷستٸك كورەيامەن كەزدەسەدٸ. ال ٷشٸنشٸ تۋردا, 25 ماۋسىم كٷنٸ چەحييا قۇراماسىنا قارسى وينايدى.
ٶز كەزەگٸندە وڭتٷستٸك افريكا رەسپۋبليكاسى قۇراماسى ەكٸنشٸ تۋردا 18 ماۋسىمدا چەحييامەن كٷش سىناسادى. ٷشٸنشٸ تۋردا ولار 25 ماۋسىمدا وڭتٷستٸك كورەيا قۇراماسىمەن كەزدەسەدٸ.
ەلەم چەمپيوناتىنىڭ توپتىق كەزەڭٸ 11-27 ماۋسىم ارالىعىندا ٶتەدٸ. ەر كوماندا ٶز توبىنداعى قارسىلاستارىمەن اينالىم جٷيەسٸ بويىنشا ٷش ماتچتان ٶتكٸزەدٸ.
پلەي-وفف كەزەڭٸنە ەر توپتان ٷزدٸك ەكٸ قۇراما جولداما الادى. سونىمەن قاتار توپتاردا ٷشٸنشٸ ورىن العان كوماندالاردىڭ ٸشٸندەگٸ ەڭ ٷزدٸك سەگٸز قۇراما دا كەلەسٸ كەزەڭگە شىعادى.
