اقش-تىڭ استاناسى ۆاشينگتونداعى كەننەدي ورتالىعىندا 2026 جىلدىڭ 11 ماۋسىمى مەن 19 شىلدەسى ارالىعىندا اقش، كانادا جانە مەكسيكادا وتەتىن فۋتبولدان الەم چەمپيوناتىنىڭ جەرەبەسى تارتىلدى، دەپ حابارلايدى Dalanews.kz
الەمدىك بىرىنشىلىككە العاش رەت ءارقايسىسى ءتورت كوماندادان تۇراتىن 12 توپقا بولىنگەن 48 قۇراما قاتىسادى. سوڭعى كەزەڭنىڭ 42 قاتىسۋشىسى بۇرىننان بەلگىلى. تاعى التى كوماندا 2026 جىلدىڭ ناۋرىز ايىنىڭ سوڭىندا بولعان ماچتاردىڭ قورىتىندىسى بويىنشا انىقتالادى. قازاقستان تاعى دا الەمدىك بىرىنشىلىككە قاتىسۋشىلاردىڭ قاتارىنا كىرگەن جوق.
2026 جىلعى ءاچ توپتارى
A توبى: مەكسيكا، وڭتۇستىك افريكا رەسپۋبليكاسى، كورەيا، پلەي-وفف جەڭىمپازى (D جولى)
B توبى: كانادا، كاتار، شۆەيساريا، پلەي-وفف جەڭىمپازى (A جولى)
C توبى: برازيليا، ماروككو، گايتي، شوتلانديا
D توبى: اقش، پاراگۆاي، اۋستراليا، پلەي-وفف جەڭىمپازى (C جولى)
E توبى: گەرمانيا، كيۋراساو، كوت-د'يۆۋار، ەكۆادور
F توبى: نيدەرلاند، جاپونيا، تۋنيس، پلەي-وفف جەڭىمپازى (B جولى)
G توبى: بەلگيا، مىسىر، يران، جاڭا زەلانديا
H توبى: يسپانيا، كابو-ۆەردە، ساۋد ارابياسى، ۋرۋگۆاي
I توبى: فرانسيا، سەنەگال، نورۆەگيا، ەۋروپا جەڭىمپازى (2-جول)
J توبى: ارگەنتينا، الجير، اۆستريا، يوردانيا
K توبى: پورتۋگاليا، وزبەكستان، كولۋمبيا، ەۋروپا جەڭىمپازى (1-جول)
L توبى: انگليا، حورۆاتيا، گانا، پاناما
ەۋروپالىق پلەي-وفف جولدارى
A: يتاليا، سولتۇستىك يرلانديا، ۋەلس، بوسنيا جانە گەرسەگوۆينا
B: ۋكراينا، شۆەسيا، پولشا، البانيا
C: تۇركيا، رۋمىنيا، سلوۆاكيا، كوسوۆو
D: دانيا، سولتۇستىك ماكەدونيا، چەحيا، يرلانديا
قۇرلىقارالىق پلەي-وفف
1-جول: جاڭا كالەدونيا، يامايكا، كونگو دەموكراتيالىق رەسپۋبليكاسى
2-جول: بوليۆيا، سۋرينام، يراك
تۋرنير 11 ماۋسىمدا مەكسيكانىڭ استاناسى مەحيكوداعى ايگىلى "استەكا" ستاديونىندا باستالادى. الاڭعا مەكسيكا مەن وڭتۇستىك افريكا رەسپۋبليكاسى قۇرامالارى شىعادى.
الەم چەمپيونى 2026 جىلعى 19 شىلدەدە بەلگىلى بولادى. فينال ءماچى "مەتلايف" ستاديونىندا وتەدى.
