وبلىستىڭ كەلەشەكتەگٸ دامۋ جوسپارىنا سەيكەس, الداعى ٷش جىلدا 84 ەلدٸ مەكەندٸ, ياعني, 209,7 مىڭ ادامدى ورتالىقتاندىرىلعان اۋىز سۋمەن قامتۋ جوسپارلانىپ وتىر.
ونىڭ ٸشٸندە بيىلعى جىلى اۋىز سۋ سالاسىنا 9,6 ملرد. تەڭگە بٶلٸنٸپ, 76 نىساننىڭ قۇرىلىسى ٸسكە اسىرىلۋدا. اتالعان نىسانداردىڭ 20-سى بيىل پايدالانۋعا بەرٸلسە, 56 نىساننىڭ قۇرىلىسى كەلەر جىلعا ٶتپەلٸ. نەتيجەسٸندە وسى جىلى ايماقتاعى 13 ەلدٸ مەكەن, ياعني 19,6 مىڭ تۇرعىن تازا اۋىز سۋمەن قامتىلسا, 2 ەلدٸ مەكەندەگٸ توزىعى جەتكەن سۋ قۇبىرلارى قايتا جاڭارتىلادى.
سونىمەن قاتار, 35 ەلدٸ مەكەندٸ اۋىز سۋمەن قامتاماسىز ەتۋ ٷشٸن بيىل جوبالاۋ-سمەتالىق قۇجاتتارى ەزٸرلەنۋدە. نەتيجەسٸندە, 2020 جىلعا قاراي قالا تۇرعىندارىنىڭ 97 پايىزى, اۋىلدىق ەلدٸ مەكەندەردٸڭ 83 پايىزى ورتالىقتاندىرىلعان اۋىز سۋمەن قامتىلاتىن بولادى.
ايتا كەتەيٸك, بٷگٸنگٸ تاڭدا وبلىستاعى قالالاردىڭ 93,4 پايىزى, ال اۋىلدىق ەلدٸ مەكەندەردٸڭ 73,6 پايىزى ورتالىقتاندىرىلعان اۋىز سۋمەن قامتاماسىز ەتٸلگەن.
