2020 جىلعا قاراي نازارباەۆ ۋنيۆەرسيتەت ستۋدەنتتەرٸنٸڭ 20% شەتەلدٸكتەر بولادى
«بٸر بەلدەۋ – بٸر جولدىڭ» نەگٸزٸ بٸلٸم, جورامالداردى تەكسەرۋ جەنە بٸزدٸ بٸرٸكتٸرەتٸن ورتاق دٷنيەلەردٸ تابۋ. بيزنەس سالاسىندا, ينتەللەكتۋالدى جەنە زەرتتەۋ سالاسىندا مٷمكٸندٸكتەر اشىلۋدا», – دەگەن لورەتتا و'دوننەللدٸڭ سٶزٸن كەلتٸرەدٸ «South China Morning Post» (SCMP) باسىلىمى «قازاقستاندىق ۋنيۆەرسيتەت «بٸر بەلدەۋ – بٸر جول» اياسىندا گونكونگتٸك ستۋدەنتتەرگە ستيپەندييالار ۇسىنۋى مٷمكٸن» دەگەن ماقالاسىندا. و'دوننەللدٸڭ ايتۋىنشا, گونكونگ قازاقستاندىق ستۋدەنتتەرگە ستيپەندييالىق باعدارلامالار ۇسىنادى, سول سەبەپتٸ نازارباەۆ ۋنيۆەرسيتەت تە گونكونگتٸك ستۋدەنتتەرگە قاتىستى وسىنداي قادام جاساۋعا نيەتتٸ. بٸراق, جوسپاردىڭ جاي-جاپسارى ەلٸ ناقتىلانعان جوق. «و'دوننەلل ۋنيۆەرسيتەتتەگٸ 4 مىڭ ستۋدەنتتٸڭ 14-ٸ عانا شەتەلدٸك ەكەنٸن ايتتى. 2020 جىلعا قاراي ۋنيۆەرسيتەت حالىقارالىق ستۋدەنتتەر سانىن جوو ستۋدەنتتەرٸنٸڭ 20% دەيٸن جەتكٸزۋدٸ جوسپارلاپ وتىر», – دەپ اتاپ ٶتتٸ SCMP.
باسىلىمنىڭ حابارلاۋىنشا, نازارباەۆ ۋنيۆەرسيتەتتٸڭ اكدەمييالىق ٸستەر بويىنشا ۆيتسە-پروۆوستى گونكونگتى قازاقستاندىق ستۋدەنتتەردٸ تارتۋ ارقىلى پايدا تابۋعا شاقىردى. «بٸزدە ادامي كاپيتال بار دەگەن ويدامىز جەنە گونكونگ ٷكٸمەتٸ دە مۇنى جاقسى بٸلەدٸ», – دەدٸ و'دوننەلل. SCMP 2016 جىلدىڭ ماۋسىم ايىندا گونكونگ بٸلٸم بەرۋ بيۋروسىنىڭ «بٸر بەلدەۋ – بٸر جول» اۋقىمىنداعى ەلدەردەن كەلگەن 100 ستۋدەنتكە بٸلٸم گرانتىن بٶلۋ ٷشٸن 1 ميلليارد گونكونگ دوللارى بار قور قۇرۋ تۋرالى جوسپار قۇرعانىن ەسكە الدى.
