ەرىكتىلەر قالانىڭ ءاربىر كوشەسىن ارالاپ تۇرعىندارعا بەتپەردە مەن ارنايى قورعانىش قولعاپتارىن تارتۋ ەتكەن جاستار، كوروناۆيرۋستان قورعانۋ جولدارىن ءتۇسىندىردى.
كوشەگە كوپ شىقپاۋ كەرەكتىگىن جانە ادامدار كوپ جينالاتىن جەرلەرگە بارماۋ قاجەتتىگىن ەسكەرتتى. ساقتىق شارالارىن ۇنەمى ساقتاۋدى ايتىپ، ءتۇرلى كەڭەستەرمەن ءبولىستى.
– ەرىكتىلەر بەتپەردەلەردى وزدەرى قولدان تىكتى. ءقازىر قالا كوشەلەرىندە ءبىرشاماسىن تاراتتى. سونداي-اق، قالاعا كىرە-بەرىس قاقپادا ورنالاسقان بلوك-پوستتاعى كەلۋشىلەرگە بەردى.
ەندى الەۋمەتتىك جاعدايى تومەن وتباسىلارعا، ارداگەرلەرگە جانە مۇمكىندىگى شەكتەۋلى ازاماتتاردىڭ ۇيلەرىنە الىپ بارىپ بەرەمىز. بۇل يگى ءىستى الداعى ۋاقىتتا دا جالعاستىراتىن بولامىز – دەيدى قالالىق جاستار رەسۋرستىق ورتالىعىنىڭ باسشىسى قانات بەكمەتوۆ.
سونداي-اق، قازىرگى تاڭدا قالا كوشەلەرى مەن ساياباقتارعا، گۇلزارلار مەن اللەيالارعا، كوپ قاباتتى تۇرعىن ۇيلەردىڭ پودەزدەرى مەن اۋلالارىنا زالالسىزداندىرۋ جۇمىستارى جۇرگىزىلۋدە.
تۇركىستان وبلىسىنىڭ وڭىرلىك كوممۋنيكاسيالار قىزمەتى
