ءتۇن ىشىندە وزبەكستاننان قازاقستانعا باعىت العان اۆتوكولىكتى تەكسەرىپ، سكانەرلەۋ كەزىندە دەكلاراسيالانباعان تاۋار بولعانى انىقتالعان. قازاقستان ازاماتى شەكارا ارقىلى «AKARA BIO پرەپاراتىن» (اكاريسيد) پەستيسيدتەرىن زاڭسىز الىپ وتپەك بولعان.
ونداعى 50 قاپتامانىڭ ءارقايسىسىندا بەس ليترلىك 4 ىدىستان بار. زاڭسىز تاۋاردىڭ قۇنى 1 454 545 مىڭ تەڭگەنى قۇرايدى.
بىرنەشە كۇن بۇرىن ءدال سول كەدەن بەكەتى ارقىلى باسقا قازاقستان ازاماتى دەكلاراسيالانباعان تەمەكى بۇيىمدارىن الىپ وتپەك بولىپ ەدى. ونىڭ وزبەكستانعا باعىت الىپ بارا جاتقان اۆتوكولىگىنەن كەدەندىك تەكسەرۋ كەزىندە جاسىرىلعان 600 قوراپ «Heets» تەمەكىسىنىڭ ستيكتەرى تابىلدى. انىقتالعانداي، تاۋاردى رەسەي فەدەراسياسىنان الىپ كەلە جاتقان.
بۇل فاكتىلەر بويىنشا بارلىق ماتەريالدار تەرگەۋ ءىس-شارالارۆن جۇرگىزۋ ءۇشىن قۇقىق قورعاۋ ورگاندارىنا وتكىزىلدى.
تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى.
