قازاقستاندا اۆتوموبيل ٶندٸرٸسٸ قارقىندى ٶسٸپ جاتقانىمەن, سالانىڭ باستى مەسەلەلەرٸنٸڭ بٸرٸ – كٶلٸككە قاجەتتٸ بٶلشەكتەردٸڭ باسىم بٶلٸگٸ ەلٸ دە شەتەلدەن جەتكٸزٸلەدٸ, دەپ حابارلايدى dalanews.kz.
بۇل تۋرالى ٶنەركەسٸپ جەنە قۇرىلىس مينيسترٸ ەرسايىن ناعاسپاەۆ ٷكٸمەت وتىرىسىندا مەلٸمدەدٸ.
مينيستردٸڭ ايتۋىنشا, سوڭعى جىلدارى ەلدەگٸ اۆتوكٶلٸك ٶندٸرٸسٸ ايتارلىقتاي ارتقان. ەگەر 2010 جىلدارى جىلىنا نەبەرٸ 3 مىڭ كٶلٸك شىعارىلسا, ٶتكەن جىلى بۇل كٶرسەتكٸش 171 مىڭنان اسقان. بيىل العاشقى التى ايدىڭ ٶزٸندە 94,4 مىڭ اۆتوموبيل ٶندٸرٸلٸپ, ٶسٸم 35 پايىزدى قۇرادى.
الايدا ٶندٸرٸس كٶلەمٸنٸڭ ٶسۋٸ سالاداعى نەگٸزگٸ مەسەلەنٸ تولىق شەشە العان جوق.
“ەندٸگٸ نەگٸزگٸ مٸندەت – دايىن اۆتوكٶلٸك شىعارۋمەن قاتار, ونىڭ قۇرامداس بٶلٸكتەرٸن ٶز ەلٸمٸزدە ٶندٸرۋدٸ دامىتۋ. وسى باعىتتا لوكاليزاتسييا دەڭگەيٸن ارتتىرۋ, اۆتوكومپونەنتتەردٸڭ وتاندىق ٶندٸرٸسٸن جولعا قويۋ جەنە قازاقستاندىق جەتكٸزۋشٸلەردٸڭ ٶندٸرٸستٸك ەكوجٷيەسٸن قالىپتاستىرۋ جۇمىستارى جٷرگٸزٸلۋدە”, – دەدٸ مينيستر.
قازٸر قازاقستاندا شينالار, اككۋمۋلياتورلار, قوزعالتقىش بٶلشەكتەرٸ, اۆتوبۋسقا ارنالعان مەتالل بٶلشەكتەر, ورىندىقتار مەن مۋلتيمەدييالىق جٷيەلەر شىعارىلادى. سونىمەن قاتار بامپەر, ەلەكتر سىمدارى, دوڭعالاق ديسكٸلەرٸ جەنە لاك-بوياۋ ماتەريالدارىن ٶندٸرەتٸن جوبالار ٸسكە اسىرىلىپ جاتىر.
ٷكٸمەت اۆتوكومپونەنت ٶندٸرٸسٸن دامىتۋ ٷشٸن قوستاناي, ساران جەنە الماتى قالالارىندا ٶنەركەسٸپتٸك كلاستەرلەر قالىپتاستىرىپ جاتىر.
سونىمەن قاتار قىتايدىڭ Li Auto, OMODA, JAECOO برەندتەرٸن شىعارۋ, SITRAK پيلوتسىز جٷك كٶلٸكتەرٸن ٶندٸرۋ جەنە BYD كومپانيياسىمەن بٸرلەسٸپ جوعارى جىلدامدىقتى قۋاتتاۋ ستانتسييالارىن سالۋ جوسپارلانىپ وتىر.
مينيستردٸڭ مەلٸمەتٸنشە, بٷگٸندە ەلدە اۆتوموبيل شىعاراتىن 11 كەسٸپورىن جۇمىس ٸستەيدٸ. سوڭعى بەس جىلدا سالاعا 457 ملرد تەڭگەگە جۋىق ينۆەستيتسييا تارتىلعان.
بيىل ٶندٸرٸس كٶلەمٸن 190 مىڭ كٶلٸككە دەيٸن جەتكٸزۋ جوسپارلانعان.
سونىمەن بٸرگە مينيستر اۆتوموبيل ٶندٸرٸسٸنٸڭ كەلەسٸ كەزەڭٸ دايىن كٶلٸك قۇراستىرۋ ەمەس, قازاقستاندا تولىققاندى اۆتوكومپونەنت ٶندٸرٸسٸن قالىپتاستىرۋ بولاتىنىن اتاپ ٶتتٸ. ونىڭ سٶزٸنشە, بۇل يمپورتقا تەۋەلدٸلٸكتٸ ازايتىپ, وتاندىق كەسٸپورىنداردىڭ حالىقارالىق ٶندٸرٸس تٸزبەگٸنە قوسىلۋىنا مٷمكٸندٸك بەرەدٸ.
