19 ليترلٸك اۋىز سۋدان اباي بولىڭىز
قىسى-جازى ساۋداسى سايابىرسىمايتىن سۋعا تولى 19 ليترلٸك بٶشكەلەر جارناماسىنا قاراساق ٶتە ساپالى ەرٸ پايدالى. ماماندار وسى سۋدى ساراپتامادان ٶتكٸزٸپ, تەكسەرٸپ كٶردٸ.
«ادامعا كەرەكتٸ يوندار – ناتريي, كاليي, ماگنيي, كالتسيي كاتيوندارى سۋ قۇرامىندا بار. بٸراق مٶلشەرٸ تٶمەن», – دەيدٸ ساراپشى مامان.
ساراپتاما قورىتىندىسى جارناماعا قاراما-قارسى شىقتى. پايداسىنان زاردابى زٸلدەي ەكەن. سەبەبٸ سۋدى سٷزگٸدەن ٶتكٸزگەندە قۇرامىداعى اعزاعا قاجەتتٸ حيمييالىق ەلەمەنتتەر جويىلىپ كەتەدٸ دە, ٶلٸ سۋعا اينالاى.
«كاتيون, انيون ەلەمەنتتەرٸ ادامعا قاجەت. ونىڭ جەتٸسپەۋشٸلٸگٸنەن ادامنىڭ باۋىر, بٷيرەك مٷشەلەرٸ دەرتكە شالدىعۋى مٷمكٸن. بالالاردىڭ كٶرۋ قابٸلەتٸ دە تٶمەندەيدٸ. تٸستەرٸ ۇساقتالىپ تٷسە باستايدى», – دەدٸ مامان.
تاعى بٸر قىزىعى قۇتىداعى بۇلاقتىڭ ەمەس, كەدٸمگٸ كراننىڭ سۋى. تەك ونىڭ تٷسٸن مٶلدٸرەتٸپ قويعانى ٷشٸن سٸز بەن بٸز قالتامىزدان تەككە قارجى شىعارىپ وتىرمىز. ايتالىق, كرانداعى 5 ليتر سۋعا 24 تەڭگە تٶلەسەك, سول مٶلشەردەگٸ بٶتەلكەدەگٸ سۋعا 131 تەڭگە ساناپ بەرەمٸز. ونىڭ ٷستٸنە قۇرامىنداعى ميكروەلەمەنتتەردٸڭ بارلىعى جويىلىپ كەتكەن.
زەرتحانادا 8 سۋ ٶندٸرۋشٸنٸڭ ٶنٸمٸنە ساراپتاما جاسالدى. قورىتىندىسى قۋانتپايدى. وسى سەبەپتٸ قۇتىداعى سۋدى ساتىپ الماس بۇرىن زەرتحانا تالداماسىن تالاپ ەتۋ قاجەت دەيدٸ ماماندار.
استاناداعى 19 ليترلٸ سۋ ٶندٸرٸپ جاتقان مەكەمەلەردٸڭ بٸرقاتارىنا بارىپ ساپا سەرتيفيكاتىن سۇرادىق. بٸر دە بٸرەۋٸ تاۋىپ بەرە المادى. الايدا, وسى سۋلاردىڭ ساپاسىن باقىلاپ, قاداعالايتىن مەكەمە ماماندارى الاڭسىز. تۇتىنۋشىلاردىڭ قۇقىعىن قورعاۋ دەپارتامەنتٸ «سۋدىڭ قۇرامىندا قاۋٸپتٸ ەشنەرسە جوق» دەپ جايباراقات وتىر.
«23 تٸركەلگەن مەكەمەنٸڭ ٷشەۋٸ تەكسەرٸلدٸ. قۇرامى تالاپتارعا ساي. قالعانىنىڭ مەرزٸمٸ كەلگەن جوق», – دەيدٸ استانا قالاسى تۇتىنۋشىلار قۇقىعىن قورعاۋ باسقارماسىنىڭ باس مەملەكەتتٸك سانيتارلىق دەرٸگەرٸ گٷلبانۋ ٸزدەۋلەتوۆا.
ەكٸ مەملەكەتتٸك مەكەمەنٸڭ بايلامى تاعى ەكٸ تٷرلٸ. تەكسەرۋ قورىتىندىلارى دا بٶلەك. تەك, سانەپيديميولوگ ماماندار سۋ ٶندٸرۋشٸ مەكەمەلەردٸڭ سانيتارلىق تازالىعى ناشار ەكەندٸگٸن ايتتى. ولارعا جازا ايىپپۇلمەن شەكتەلگەن.
دەرەككٶزٸ: stan.kz
