ەكٸ سايت سىرتتاي بٸر-بٸرٸنەن ەش ايىرماشىلىعى جوقتاي كٶرٸنۋٸ مٷمكٸن: زاماناۋي ديزاين, موبيلدٸ نۇسقا, بٸرنەشە مينۋتتا تٸركەلۋ مٷمكٸندٸگٸ جەنە ٷيرەنشٸكتٸ تٶلەم تەسٸلدەرٸ. الايدا ولاردىڭ بٸرٸ قازاقستان رەسپۋبليكاسىنىڭ زاڭناماسى اياسىندا جۇمىس ٸستەسە, ەكٸنشٸسٸنٸڭ ەل اۋماعىندا تيٸستٸ قىزمەتتەردٸ كٶرسەتۋگە قۇقىعى بولماۋى مٷمكٸن, دەپ حابارلايدى dalanews.kz.
بٷگٸندە مۇنداي رەسۋرستاردى سىرتقى بەلگٸلەرٸنە قاراپ اجىراتۋ بارعان سايىن قيىنداپ كەلەدٸ. سوندىقتان باستى سۇراق – «سايت قانشالىقتى سەنٸمدٸ كٶرٸنەدٸ?» ەمەس, «ۇيىمداستىرۋشىنىڭ رەسمي مەرتەبەسٸن راستاۋعا بولا ما?».
نەنٸ بٸلۋ ماڭىزدى
قازاقستاندا ەلەكتروندىق كازينو مەن ينتەرنەت-كازينو قىزمەتٸنە, سونداي-اق قازاقستان رەسپۋبليكاسىندا ليتسەنزيياسى جوق بۋكمەكەرلٸك كەڭسەلەر مەن توتاليزاتورلاردىڭ ينتەرنەت-رەسۋرستارىنا تىيىم سالىنعان.
ليتسەنزياتتار تۋرالى ٶزەكتٸ اقپارات ۋەكٸلەتتٸ ورگاننىڭ رەسمي ينتەرنەت-رەسۋرسىندا جارييالانعان.
سايتتىڭ زاڭدى نەمەسە زاڭسىز ەكەنٸن تەك وندا جارييالانعان اقپاراتقا قاراپ انىقتاماعان جٶن. لوگوتيپتەردٸڭ, شەت مەملەكەتتەر بەرگەن ليتسەنزييالاردىڭ, وڭ پٸكٸرلەردٸڭ, جارنامانىڭ نەمەسە كەرەكتٸ تٸلدە قولداۋ قىزمەتٸنٸڭ بولۋى ۇيىمداستىرۋشىنىڭ قازاقستان اۋماعىندا جۇمىس ٸستەۋگە قۇقىعى بار ەكەنٸن ٶزدٸگٸنەن راستامايدى.
نەگە نازار اۋدارۋ كەرەك
جيٸ كەزدەسەتٸن قاتەلٸكتەردٸڭ بٸرٸ – ينتەرنەت-رەسۋرستى سىرتقى كٶرٸنٸسٸنە قاراپ باعالاۋ. زاڭسىز پلاتفورمادا زاماناۋي سايت پەن موبيلدٸ قوسىمشا, قولداۋ قىزمەتٸ, ەلەۋمەتتٸك جەلٸلەردەگٸ پاراقشالار جەنە بەلسەندٸ جارناما بولۋى مٷمكٸن. مۇنىڭ بەرٸ رەسۋرستى ٸلگەرٸلەتۋ تەسٸلدەرٸنە جاتادى, الايدا ونىڭ زاڭدى ەكەنٸن راستامايدى.
بۋكمەكەرلٸك كەڭسەلەر مەن توتاليزاتورلاردىڭ ەلەكتروندىق كاسسالارى ٷشٸن زاڭنامادا دومەندٸك اتاۋلارعا قاتىستى تالاپتار بەلگٸلەنگەن. اتاپ ايتقاندا, .KZ نەمەسە .قاز ايماقتارىنداعى دومەندٸك اتاۋلار پايدالانىلادى. سونىمەن بٸرگە .KZ نەمەسە .قاز دومەنٸنٸڭ بولۋى رەسۋرستىڭ زاڭدى ەكەنٸن اۆتوماتتى تٷردە بٸلدٸرمەيدٸ. ۇيىمداستىرۋشىنى, ليتسەنزيياسىنىڭ بار-جوعىن جەنە ۇسىنىلعان اقپاراتتىڭ رەسمي مەملەكەتتٸك دەرەككٶزدەردەگٸ مەلٸمەتتەرگە سەيكەستٸگٸن تەكسەرۋ قاجەت.
مەملەكەت زاڭسىز رەسۋرستاردى قالاي انىقتايدى
قازٸرگٸ ۋاقىتتا تسيفرلىق مونيتورينگتٸ ويىن بيزنەسٸن مونيتورينگتەۋ جەنە تالداۋ ورتالىعى جٷزەگە اسىرادى. ورتالىق كٷمەندٸ رەسۋرستار تۋرالى مەلٸمەتتەردٸ انىقتايدى, ولاردى تەكسەرەدٸ جەنە قولجەتٸمدٸلٸكتٸ شەكتەۋ تۋرالى شەشٸم قابىلداۋ ٷشٸن ماتەريالداردى بەلگٸلەنگەن تەرتٸپپەن ماسس-مەديا سالاسىنداعى ۋەكٸلەتتٸ ورگانعا جولدايدى.
كٷمەن تۋدىراتىن ينتەرنەت-رەسۋرس انىقتالعان جاعدايدا ازاماتتار ول تۋرالى ويىن بيزنەسٸن مونيتورينگتەۋ جەنە تالداۋ ورتالىعىنىڭ رەسمي پاراقشاسى ارقىلى دا حابارلاي الادى.
حابارلامادا نەنٸ كٶرسەتۋ كەرەك
ٶتٸنٸش جولداعان كەزدە مىنا اقپاراتتى كٶرسەتكەن جٶن:
ينتەرنەت-رەسۋرستىڭ ناقتى مەكەنجايى (URL);
سايتتا نە ۇسىنىلاتىنى تۋرالى قىسقاشا سيپاتتاما;
ونىڭ قىزمەتٸنٸڭ زاڭدىلىعىنا كٷمەن تۋدىرعان بەلگٸلەر;
مٷمكٸندٸك بولسا, سايت بەتتەرٸنٸڭ سكرينشوتتارى.
حابارلاما ٷلگٸسٸ:
«[مەكەنجاي] ينتەرنەت-رەسۋرسىن تەكسەرۋدٸ سۇرايمىن. سايتتا ونلاين ويىندارعا قاتىسۋ نەمەسە بەس تٸگۋ ۇسىنىلادى. ۇيىمداستىرۋشىنىڭ رەسمي مەرتەبەسٸن راستاۋ مٷمكٸن بولمادى».
حابارلامالاردى قابىلداۋعا ارنالعان جەكە ونلاين-فورما ٸسكە قوسىلۋعا دايىندالىپ جاتىر. ول قولجەتٸمدٸ بولعانعا دەيٸن اقپاراتتى ورتالىقتىڭ بايلانىس دەرەكتەرٸ ارقىلى جولداۋعا بولادى.
ازاماتتىڭ حابارلاما جٸبەرۋٸ ينتەرنەت-رەسۋرستىڭ اۆتوماتتى تٷردە بۇعاتتالاتىنىن بٸلدٸرمەيدٸ. الدىمەن ۇسىنىلعان مەلٸمەتتەر تەكسەرٸلەدٸ. سودان كەيٸن ماتەريالدار بەلگٸلەنگەن تەرتٸپپەن ۋەكٸلەتتٸ مەملەكەتتٸك ورگاندارعا جولدانادى.
ەگەر سايتتىڭ زاڭدىلىعىنا كٷمەندانساڭىز, تٸركەلمەڭٸز, شوتىڭىزدى تولتىرماڭىز جەنە الدىمەن ۇيىمداستىرۋشىنىڭ رەسمي مەرتەبەسٸن تەكسەرٸڭٸز.
