قازاقستاننان تىس جەردە 17 جىل بويى جاسىرىنىپ, حالىقارالىق ٸزدەۋدە بولعان يۋ. يۋسۋپوۆ الماتىدا 2008 جىلى جاسالعان اتىشۋلى ادام ٶلٸمٸنە قاتىسقانى ٷشٸن 15 جىلعا باس بوستاندىعىنان ايىرىلدى, دەپ حابارلايدى dalanews.kz.
«يۋسۋپوۆ ۇزاق جىلدار بويى قازاقستاننان تىس جەردە قۇجاتتارىن ٶزگەرتٸپ, باسقا انكەتالىق دەرەكتەرمەن جاسىرىنىپ جٷرگەن. ول 15 جىلعا باس بوستاندىعىنان ايىرىلدى», – دەپ حابارلادى باس پروكۋراتۋرا.
پروكۋراتۋرا مەلٸمەتٸنشە, قىلمىس 2008 جىلعى 19 مامىرعا قاراعان تٷنٸ الماتى قالاسىنىڭ ورتالىعىندا بولعان. يۋسۋپوۆ پەن ونىڭ سىبايلاسى ا. كوۆالەنكو قىلمىستىق ورتا ٶكٸلٸمەن جانجالداسىپ, جەبٸرلەنۋشٸنٸ فۋرمانوۆ كٶشەسٸندەگٸ ٷيدٸڭ ماڭىندا اڭدىعان. ەر ادامعا بٸرنەشە رەت وق اتىلىپ, ونىڭ ٸشٸندە باسىنىڭ جەلكە تۇسىنا باقىلاۋ ماقساتىندا وق تيگەن. العان جاراقاتتارىنان ول وقيعا ورنىندا قايتىس بولعان.
ادام ٶلتٸرگەننەن كەيٸن يۋسۋپوۆ قازاقستاننان كەتٸپ, حالىقارالىق ٸزدەۋگە جارييالانعان.
ونىڭ سىبايلاسى كوۆالەنكو قىلمىستىق ەرەكەتٸن جالعاستىرعان. 2008 جىلدىڭ جازىندا ول قاپشاعايداعى «ستارايا كرەپوست» دەمالىس ايماعىندا بولعان قارۋلى وقيعادان كەيٸن ۇستالعان. وقيعا كەزٸندە پوليتسييا قىزمەتكەرٸ قازا تاۋىپ, تاعى تٶرت ادام اۋىر جاراقات العان. 2009 جىلى كوۆالەنكو 23 جىلعا باس بوستاندىعىنان ايىرىلعان.
ۆەدومستۆونىڭ مەلٸمەتٸنشە, يۋسۋپوۆتى ٸزدەۋ جۇمىستارى بٸرنەشە جىل بويى جالعاسقان. قىلمىستىق ورتادا ول «كينگ-كونگ» لاقاپ اتىمەن تانىمال بولعان جەنە قىرعىزستاندىق بەلگٸلٸ قىلمىس ەلەمٸنٸڭ ٶكٸلٸنٸڭ اينالاسىنا كٸرگەن دەگەن اقپارات بار. سونداي-اق قىرعىزستاننىڭ قۇقىق قورعاۋ ورگاندارى ونى 2007 جىلى بٸشكەكتە كٶلٸك جۋۋ ورنىنىڭ يەسٸن ٶلتٸرۋگە قاتىسى بار دەگەن كٷدٸكپەن ٸزدەگەن.
يۋسۋپوۆ بٸرنەشە جىل بويى ەۋروپا ەلدەرٸندە قۇجاتتارىن ٶزگەرتٸپ, باسقا انكەتالىق دەرەكتەردٸ پايدالانىپ جاسىرىنعان.
2025 جىلعى تامىزدا ليتۆا شەكاراسىنان ٶتۋ كەزٸندە ول ۇستالدى. سول جىلدىڭ قاراشاسىندا قازاقستان باس پروكۋراتۋراسىنىڭ سۇراۋى بويىنشا ليتۆادان ەلگە ەكستراديتسييالاندى.
باس پروكۋراتۋرانىڭ مەلٸمەتٸنشە, بيىل شٸلدەدە الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى يۋسۋپوۆتى الدىن الا سٶز بايلاسقان ادامدار توبى جاساعان ادام ٶلتٸرۋگە كٶمەكتەسكەنٸ ٷشٸن كٸنەلٸ دەپ تانىپ, 15 جىلعا باس بوستاندىعىنان ايىرۋ جازاسىن تاعايىنداعان.
