پۋەرتو-ريكونىڭ بۇرىنعى كەسٸپقوي بوكسشىسى پريچارد كولون 33 جاسىندا ٶمٸردەن ٶتتٸ. قارالى حاباردى سپورتشىنىڭ ەكەسٸ ەرٸ جاتتىقتىرۋشىسى ريچارد كولون ەلەۋمەتتٸك جەلٸدەگٸ پاراقشاسىندا مەلٸمدەدٸ, دەپ حابارلايدى dalanews.kz.
بوكسشىنىڭ ەكەسٸ ۇلىنىڭ ەندٸ "جاقسى جەردە" ەكەنٸن جازعان. ونىڭ ايتۋىنشا, ول پريچاردتىڭ ارمانىن ورىنداپ, پۋەرتو-ريكوعا دەمالىسقا اپارۋدى جوسپارلاعان, الايدا بۇل ويى جٷزەگە اسپاعان. ريچارد كولون جىلدار بويى وتباسىنا قولداۋ كٶرسەتكەن جاندارعا العىسىن بٸلدٸرٸپ, ولاردان دۇعا ەتۋدٸ سۇرادى.
پريچارد كولوننىڭ سپورتتىق مانسابى 2015 جىلعى 17 قازاندا امەريكالىق تەررەلل ۋيليامسقا قارسى ٶتكەن جەكپە-جەكتەن كەيٸن اياقتالعان ەدٸ. كەزدەسۋ بارىسىندا قارسىلاسى ونىڭ جەلكە تۇسىنان بٸرنەشە رەت ەرەجەگە قايشى سوققى جاساعان.
جەكپە-جەكتەن كەيٸن كولوننىڭ ميىندا سۋبدۋرالدى گەماتوما انىقتالدى. باس سٷيەك ٸشٸندەگٸ قىسىمدى تٶمەندەتۋ ٷشٸن وعان شۇعىل وپەراتسييا جاسالدى. اۋىر جاراقاتتان كەيٸن بوكسشى 221 كٷن بويى كومادا جاتتى. ول العان جاراقاتىنىڭ زارداپتارىن ٶمٸرٸنٸڭ سوڭىنا دەيٸن سەزٸندٸ.
ۋيليامسپەن كەزدەسۋگە دەيٸن پريچارد كولون كەسٸپقوي رينگتە بٸردە-بٸر رەت جەڭٸلٸپ كٶرمەگەن. ول 16 جەكپە-جەكتٸڭ بارلىعىندا جەڭٸسكە جەتٸپ, ونىڭ 13-ٸن نوكاۋتپەن اياقتاعان.
