Pýerto-Rikonyń burynǵy kásipqoi boksshysy Prichard Kolon 33 jasynda ómirden ótti. Qaraly habardy sportshynyń ákesi ári jattyqtyrýshysy Richard Kolon áleýmettik jelidegi paraqshasynda málimdedi, dep habarlaidy dalanews.kz.
Boksshynyń ákesi ulynyń endi "jaqsy jerde" ekenin jazǵan. Onyń aitýynsha, ol Prichardtyń armanyn oryndap, Pýerto-Rikoǵa demalysqa aparýdy josparlaǵan, alaida bul oiy júzege aspaǵan. Richard Kolon jyldar boiy otbasyna qoldaý kórsetken jandarǵa alǵysyn bildirip, olardan duǵa etýdi surady.
Prichard Kolonnyń sporttyq mansaby 2015 jylǵy 17 qazanda amerikalyq Terrell Ýiliamsqa qarsy ótken jekpe-jekten keiin aiaqtalǵan edi. Kezdesý barysynda qarsylasy onyń jelke tusynan birneshe ret erejege qaishy soqqy jasaǵan.
Jekpe-jekten keiin Kolonnyń miynda sýbdýraldy gematoma anyqtaldy. Bas súiek ishindegi qysymdy tómendetý úshin oǵan shuǵyl operatsiia jasaldy. Aýyr jaraqattan keiin boksshy 221 kún boiy komada jatty. Ol alǵan jaraqatynyń zardaptaryn ómiriniń sońyna deiin sezindi.
Ýiliamspen kezdesýge deiin Prichard Kolon kásipqoi ringte birde-bir ret jeńilip kórmegen. Ol 16 jekpe-jektiń barlyǵynda jeńiske jetip, onyń 13-in nokaýtpen aiaqtaǵan.
