16 جاستاعى شىمكەنتتىك ەسىرتكى جارنامالاعانى ءۇشىن التى جىلعا دەيىن سوتتالۋى مۇمكىن، - دەپ حابارلايدى Dalanews.kz.
ءجاسوسپىرىمدى جەدەل ۋاكىلدەر قىلمىس ۇستىندە ۇستادى. ونىڭ زاڭعا قايشى جۇمىستى ينتەرنەتتەن تاپقانى جانە ماۋسىم ايىنان بەرى مەگاپوليس اۋماعىندا ەسىرتكى زاتتارىن جارنامالاۋمەن اينالىسقانى انىقتالدى.
شىمكەنت تۇرعىنىنان ءوزى دايىنداعان جارنامالىق جازۋلارى بار پاراقشالار تاركىلەندى.
پوليسيا ەسىرتكىنى ناسيحاتتاۋ جانە جارنامالاۋ دەرەگى بويىنشا قىلمىستىق ءىستى تىركەدى.
قازىرگى تاڭدا تەرگەۋ ارەكەتتەرى جۇرگىزىلىپ جاتىر. كۇدىكتى قاماۋعا الىندى.
زاڭناماعا سايكەس، اتالعان قىلمىس ءۇشىن التى جىلعا دەيىن باس بوستاندىعىنان ايىرۋ جازاسى كوزدەلگەن.
