سەنات ءتوراعاسى ماۋلەن اشىمبايەۆ جاڭا كونستيتۋسيا رەفەرەندۋمدا قولداۋ تاپسا، 15 ناۋرىز كونستيتۋسيا كۇنى بولىپ بەكىتىلۋى مۇمكىن ەكەنىن مالىمدەدى، دەپ حابارلايدى Dalanews.kz.
ونىڭ ايتۋىنشا، وتپەلى ەرەجەلەرگە سايكەس، كونستيتۋسيا كۇنى رەتىندە قۇجاتتىڭ كۇشىنە ەنگەن ۋاقىتى ەمەس، قابىلدانعان كۇنى بەلگىلەنەدى. ال جاڭا كونستيتۋسيا 15 ناۋرىزدا قابىلدانۋى ىقتيمال. سوندىقتان حالىق رەفەرەندۋمدا قولداۋ بىلدىرسە، قازاقستاندا كونستيتۋسيا كۇنى 15 ناۋرىز بولىپ وزگەرۋى مۇمكىن.
سونداي-اق ماۋلەن اشىمبايەۆ جاڭا كونستيتۋسيا قابىلدانعان جاعدايدا سەنات ءوز وكىلەتتىگىن 1 شىلدەدە اياقتايتىنىن ايتتى. ونىڭ سوزىنشە، وتپەلى نورمالارعا سايكەس سەنات پەن ءماجىلىس تاراتىلعاننان كەيىن ەكى اي ىشىندە جاڭا سايلاۋ ءوتۋى ءتيىس.
وسىلايشا، جاڭا پارلامەنت – قۇرىلتاي 1 قىركۇيەكتەن باستاپ جۇمىسىن باستاۋدى جوسپارلاپ وتىر. ەگەر حالىق جاڭا كونستيتۋسيانى قولداسا، قازىرگى پارلامەنت 1 شىلدەگە دەيىن جۇمىسىن جالعاستىرىپ، ودان كەيىن جاڭا قۇرام جاساقتالادى.
