جالپى وتىرىستا مينيستر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» اتتى زاڭ جوباسىن تانىستىردى.
كەيىن حالىق قالاۋلىسى ءاليا ساپاروۆا ەلىمىزدەگى ازاماتتاردىڭ ءبىراز بولىگى «سۇر» تارەلكالاردى پايدالانىپ، وتاندىق ب ا ق تاراتقان اقپاراتتاردان تىس قالىپ وتىرعانىن اتاپ ءوتتى. وسى ورايدا ول داۋرەن ابايەۆتان اتالعان سالاعا قالاي باقىلاۋ جۇرگىزەتىنىن سۇرادى.
«تەلەراديو حابارلارىن تاراتۋ تۋرالى» زاڭ جوباسى بويىنشا اتالعان سالادا ليسەنزيا مەن ءوزىنىڭ سپۋتنيكتىك جۇيەسى جوق، وپەراتورلارعا تىيىم سالۋ نورماسى ۇسىنىلىپ وتىر. اتالعان نورمانى قولداي وتىرىپ، ءبىر نارسەنى انىقتاعىم كەلەدى. ياعني، اتالعان نورما «سۇر» سپۋتنيكتىك تارەلكاسى بار ازاماتتارعا قالاي اسەر ەتەدى؟ اتالعان سالانى قالاي باقىلاۋعا الماقسىزدار؟» – دەدى دەپۋتات.
وسى ورايدا ق ر اقپارات جانە كوممۋنيكاسيالار ءمينيسترى اتالعان سالا اقپاراتتىق قاۋىپسىزدىك ءۇشىن وتە ماڭىزدى ەكەنىن اتاپ ءوتتى.
«بۇل ماسەلە ەلىمىزدىڭ اقپاراتتىق قاۋىپسىزدىگىنە قاتىستى. قازىرگى كەزدە 600 مىڭعا تارتا وتباسى «سۇر» تارەلكالاردى پايدالانۋدا. بۇل جەردە جادى كارتاسى پايدالانىلادى. ال وندا قازاقستاندىق تەلەارنالار ورناتىلماعان. وسى ورايدا شامامەن 1،5 ميلليون ادام قازاقستاننىڭ اقپاراتتىق كەڭىستىگىنەن تىس قالىپ وتىر، ياعني ولار قازاقستاندىق تەلەارنالاردى قارامايدى جانە ەلىمىزدە نە بولىپ جاتقانىن بىلمەيدى»، – دەدى مينيستر.
ابايەۆتىڭ ايتۋىنشا، ەل تۇرعىندارى «سۇر» تارەلكالاردى پايدالانۋدى جالعاستىرۋدا. سەبەبى، بۇل سالا ەلىمىزدە زاڭ جۇزىندە رەتتەلمەگەن.
«سوندىقتان بۇل ماسەلەنى وزەكتى دەپ بىلەمىز. وسى قۇرىلعىلاردى پايدالانۋدى ادامدار جالعاستىرا بەرەدى. بۇل تۇرعىدا تۇتىنۋشىلارعا ىقپال ەتۋدىڭ ەشقانداي شارالارى بىزدە قاراستىرىلماعان. الايدا ءبىز وسى كارتالاردى تاراتىپ جۇرگەن ادامدىردى قۇقىقتىق كەڭىستىككە شىعارۋدامىز. ولار شىنىمەن دە قازاقستاننىڭ قۇقىقتىق كەڭىستىگىنەن تىس قالىپ وتىر. ەلەكتروندى تولەمدەر ارقىلى تولەنگەن اقشا باسقا ەلدەرگە كەتىپ – جاتىر»، – دەپ تۇيىندەدى ءسوزىن مينيستر.
سونداي-اق، اقپارات جانە كوممۋنيكاسيالار ءمينيسترى داۋرەن ابايەۆتىڭ ايتۋىنشا، بۇقارالىق اقپارات قۇرالدارىنىڭ سۇراۋىنا جاۋاپ بەرمەيتىن شەنەۋنىكتەردىڭ جالاقىسى تومەندەتىلەتىن بولادى.
«ولاردىڭ قىزمەتىنىڭ تيىمدىلىگىن باعالاۋ بونۋستىق-بالدىق جۇيەگە كەلتىرىلۋدە. سول سەبەپتى، ەگەر ول جاۋاپ بەرمەسە، تيىسىنشە، رەيتينگى قۇلدىرايدى، ناتيجەسىندە، ەڭبەكاقىسى دا كەميدى. مەمورگانداردىڭ قىزمەتى تيىمدىلىگىنىڭ ولشەم-كريتەرييلەرىنىڭ ءبىرى – باق-پەن جۇمىس بولادى. مەملەكەتتىك قىزمەتشىلەرگە ارنايى KPI، تيىمدىلىك كورسەتكىشتەرى بەلگىلەنەدى، ول ءوز جۇمىسىندا سوعان سايكەس كەلۋگە مىندەتتەنەدى. باسشىلار ونىڭ KPI كورسەتكىشتەرىنە جاۋاپ بەرەتىن-بەرمەيتىنىن قاراپ وتىرادى. جاۋاپ بەرمەسە، جۇمىستان بوساتا الادى»، – دەدى داۋرەن ابايەۆ.
زاڭ جوباسىنىڭ نەگىزگى باعىتتارى
اتالعان زاڭ جوباسى بۇقارالىق اقپارات قۇرالدارى، تەلەراديو حابارلارىن تاراتۋ، اقپاراتتاندىرۋ جانە بايلانىس، اقپاراتتىق قاۋىپسىزدىك سالاسىنداعى قوعامدىق قاتىناستاردى قۇقىقتىق رەتتەۋدى قامتاماسىز ەتۋگە باعىتتالعان. بۇقارالىق اقپارات قۇرالدارى مەن كوممۋنيكاسيالار سالاسىنداعى وزگەرىستەر بىرنەشە باعىتتارعا ارنالعان.
بىرىنشىدەن، اقپارات سالاسىندا ازاماتتاردىڭ قۇقىقتارى:
- سۋبتيترلەۋدى نەمەسە سۋردواۋدارمانى كەڭىنەن قولدانۋ ارقىلى مۇمكىندىگى شەكتەۋلى ادامداردىڭ اقپاراتقا قولجەتىمدىلىگىنە قۇقىقتاردى پايدالانۋ مۇمكىندىگىن كەڭەيتۋ؛
- «بالانىڭ جاسىنا سايكەس كەلەتىن اقپارات» دەگەن ۇعىمدى زاڭنامالىق تۇرعىدان بەكىتۋ؛
- بالانىڭ بەينەسىن جانە دەربەس دەرەكتەرىن بالانىڭ ءوزىنىڭ نەمەسە ونىڭ زاڭدى وكىلدەرىنىڭ كەلىسىمىنسىز پايدالانۋدى شەكتەۋ جونىندەگى نورمالاردى ەنگىزۋ جولىمەن قامتاماسىز ەتۋ.
2) ب ا ق قىزمەتى ءۇشىن:
- بولماشى بۇزۋشىلىقتار بويىنشا ب ا ق قىزمەتىن توقتاتا تۇرۋ جانە تارالىمدى تاركىلەۋ تۇرىندە اكىمشىلىك جازالاۋ شارالارىن الىپ تاستاۋ؛
- ولاردىڭ اۋىزشا جانە جازباشا سۇراۋ سالۋلارى بويىنشا ب ا ق اقپارات ۇسىنۋ پروسەسىن رەتكە كەلتىرۋ؛
- باق-پەن جۇمىس ىستەۋدى جۇزەگە اسىراتىن ۋاكىلەتتى تۇلعالاردىڭ نەمەسە بولىمشەلەردىڭ مارتەبەسى مەن فۋنكسيالارىن ايقىنداۋ؛
- باسپا ءسوز باسىلىمدارىنىڭ ۋاكىلەتتى ورگانعا مىندەتتى دانانى ەلەكتروندىق تۇردە عانا ۇسىنۋى جولىمەن جاعداي جاساۋ.
3) وتاندىق تەليەۆيزيا جانە جارناما نارىقتارى:
- سپۋتنيكتىك تەلەراديو حابارلارىن تاراتۋ وپەراتورلارىنىڭ قابىلداعىش قوندىرعىلارىن تاراتۋمەن اينالىساتىن تۇلعالاردى تەلەراديو حابارلارىن تاراتۋ سۋبەكتىلەرى رەتىندە زاڭنامالىق تۇرعىدان ايقىنداۋ؛
- مەملەكەتتىك ورگاندار مەن ۇيىمداردا جاريا تۇردە كورسەتۋ ءۇشىن تەك قانا وتاندىق تەلە-راديوارنالارىن تاراتۋ جونىندەگى تالاپتاردى ەنگىزۋ؛
- مەملەكەتتىك تىلدەگى جارنامانى تەڭ مولشەردە ءبولۋ جونىندەگى نورمالاردى ناقتىلاۋ جولىمەن دامىتۋ.
4) كوممۋنيكاسيا:
- مەملەكەتتىك-جەكەشەلىك ارىپتەستىك ءراسىمىن جەتىلدىرۋ ارقىلى اقپاراتتاندىرۋدىڭ سەرۆيستىك مودەلى بويىنشا كورسەتىلەتىن قىزمەتتەردى الۋ؛
- مەملەكەتتىك ورگانداردىڭ اقپاراتتىق جۇيەلەرىنە قويىلاتىن تالاپتاردى قايتا قاراۋ، اقپاراتتىق قاۋىپسىزدىك تالاپتارىنا سايكەستىككە مىندەتتى سىناق راسىمىنە جاتاتىن وبەكتىلەردى انىقتاۋ جولىمەن دامىتۋ.
ءماجىلىس دەپۋتاتتارى وسى وتىرىستا قازاقستان رەسپۋبليكاسىنىڭ كەيبىر زاڭنامالىق اكتىلەرىنە ىشكى ىستەر ورگاندارىنىڭ قىزمەتىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسى زاڭىنىڭ جوباسى، «ادۆوكاتتىق قىزمەت جانە زاڭ كومەگى تۋرالى» زاڭنىڭ جوباسىن ىلەسپە تۇزەتۋرلەرىمەن جۇمىسقا الىپ، بەيىندى كوميتەتتەرگە قورىتىندى ازىرلەۋ مەرزىمدەرىن بەلگىلەدى.
