بۇگىن قازاقستاننىڭ ءبىرقاتار اۋماعىندا اۋا رايى قۇبىلمالى بولادى، دەپ حابارلايدى Dalanews.kz.
"قازگيدرومەت" ۇسىنعان مالىمەتكە سايكەس،ەلدىڭ التى وبلىسىندا ەكپىندى جەل سوعادى. اتاپ ايتقاندا، اقمولا، سولتۇستىك قازاقستان، پاۆلودار، قاراعاندى، ۇلىتاۋ جانە قوستاناي وبلىستارىنىڭ باتىس، سولتۇستىك جانە شىعىس بولىكتەرىندە بايقالادى. سونداي-اق قوستاناي وبلىسىنىڭ باتىس، سولتۇستىك جانە وڭتۇستىگىندە تۇراقسىز اۋا رايى ساقتالادى.
وسىعان بايلانىستى تۇرعىندارعا داۋىلدى ەسكەرتۋلەردى ەسكەرىپ، بارىنشا ساق بولۋ ۇسىنىلادى.
سونىمەن قاتار ەل اۋماعىنىڭ باسىم بولىگىندە جاۋىن-شاشىن جاۋادى.
ال ەلدىڭ سولتۇستىگىندە، سونداي-اق ورتالىق وڭىرلەردە تۇنگى جانە تاڭعى ۋاقىتتا قالىڭ قار ءتۇسۋى مۇمكىن. وڭتۇستىك-شىعىستا، تۇندە وڭتۇستىكتە جانە كۇندىز شىعىس ايماقتاردا قار مەن جاڭبىر ارالاس جاۋىن-شاشىن كۇتىلەدى.
