قازاقستان مەن قىتاي "قورعاس" ورتالىعىنداعى قاۋٸپسٸزدٸكتٸ قامتاماسىز ەتۋ تۋرالى كەلٸسٸمگە قول قويدى. قۇجات بويىنشا كەلٸسسٶزدەر 14 جىلعا سوزىلعان, دەپ حابارلايدى dalanews.kz.
بۇل تۋرالى ٸشكٸ ٸستەر مينيسترلٸگٸنٸڭ رەسمي ٶكٸلٸ شىڭعىس ەلەكەشەۆ ايتتى. ونىڭ سٶزٸنشە, كەلٸسٸم ەكٸ ەل اراسىنداعى بٸرقاتار مەسەلەنٸ ۇزاق ۋاقىت بويى كەلٸسۋدٸ تالاپ ەتكەن.
كەلٸسسٶزدەر ٸشكٸ ٸستەر مينيسترٸ ەرجان سەدەنوۆتٸڭ بەيجٸڭگە ساپارى كەزٸندە اياقتالىپ, قۇجاتقا قول قويىلعان.
"بۇل - ماڭىزدى قۇجات. كەلٸسسٶزدەر 14 جىلعا سوزىلدى. وسى ۋاقىت ٸشٸندە ەكٸ مەملەكەت اراسىندا بٸرقاتار مەسەلەنٸ كەلٸسۋ قاجەت بولدى. نەتيجەسٸندە مينيستر ەرجان سەدەنوۆتٸڭ ساپارى بارىسىندا تاراپتار بۇل جۇمىستى اياقتاپ, ٷكٸمەتارالىق كەلٸسٸمگە قول قويدى", - دەدٸ شىڭعىس ەلەكەشەۆ.
ونىڭ ايتۋىنشا, قۇجات "قورعاس" اۋماعىندا ەكٸ ەلدٸڭ قۇزىرلى ورگاندارىنىڭ بٸرلەسٸپ جۇمىس ٸستەۋٸنە ناقتى قۇقىقتىق نەگٸز قالىپتاستىرادى.
"قورعاس" - ەكٸ مەملەكەتتٸڭ مٷددەسٸ مەن زاڭناماسى توعىساتىن, كٷن سايىن كٶپتەگەن ادام ٶتەتٸن ەرەكشە شەكارا ماڭى اۋماعى. سوندىقتان قاۋٸپسٸزدٸككە قاتىستى مەسەلە تۋىنداعان جاعدايدا قاي تاراپ جەنە قانداي تەرتٸپپەن ەرەكەت ەتەتٸنٸ ماڭىزدى.
كەلٸسٸم قازاقستان مەن قىتايدىڭ قۇزىرلى ورگاندارى اراسىنداعى ٶزارا ٸس-قيمىل تەرتٸبٸن بەكٸتەدٸ. بۇل جەدەل اقپارات الماسۋعا, قۇقىقبۇزۋشىلىقتاردىڭ الدىن الۋعا جەنە تٷرلٸ جاعدايلارعا دەر كەزٸندە ەرەكەت ەتۋگە مٷمكٸندٸك بەرەدٸ.
