كاباردين-بالقار رەسپۋبليكاسىندا 2012 جىلى ەنەسٸن ٶلتٸردٸ دەگەن كٷدٸكپەن 44 جاستاعى ەيەل ۇستالدى, دەپ حابارلايدى dalanews.kz.
2012 جىلدىڭ ماۋسىم ايىندا حاتۋي اۋىلىنداعى جەكە ٷيلەردٸڭ بٸرٸنەن 75 جاستاعى زەينەتكەردٸڭ مەيٸتٸ تابىلعان. ٷيدەن سونداي-اق 157 مىڭ رۋبل جوعالعان. سول كەزدە جٷرگٸزٸلگەن تەرگەۋ بارىسىندا قىلمىسقا قاتىسى بار ادامدار انىقتالماي, ٸس ۋاقىتشا توقتاتىلعان بولاتىن.
الايدا تەرگەۋشٸلەر ٸستٸ تولىق جاپپاي, جىلدار ٶتكەن سوڭ قىلمىستىق ٸس ماتەريالدارىن قايتا قاراپ شىققان. كريميناليستەر كۋەگەرلەردٸڭ, سونىڭ ٸشٸندە مارقۇمنىڭ كەلٸنٸ مەن سول كەزدە 8 جاستا بولعان ۇلىنىڭ جاۋاپتارىن قايتا زەرتتەگەن.
تەرگەۋ ٷشٸن شەشۋشٸ ايعاق قازٸر ەسەيگەن ۇلدىڭ جاڭا جاۋابى بولدى. ونىڭ ايتۋىنشا, اناسى ٶزٸنەن سول تٷنٸ ەنەسٸنٸڭ بٶلمەسٸنٸڭ جانىندا ونى كٶرمەگەنٸن ايتىپ, جالعان كۋەلٸك بەرۋدٸ سۇراعان.
قايتا جٷرگٸزٸلگەن جاۋاپ الۋ كەزٸندە ەيەل كٸنەسٸن مويىنداعان. ونىڭ ايتۋىنشا, قىلمىسقا ەنەسٸمەن اراداعى جەكە كەلٸسپەۋشٸلٸك سەبەپ بولعان. ەيەل كٸسٸ ٶلتٸرگەننەن كەيٸن جەرتٶلەدە جاسىرىلعان اقشانى دا الىپ كەتكەنٸن ايتقان.
كٷدٸكتٸ ۇستالىپ, سوتتىڭ سانكتسيياسىمەن قاماۋعا الىندى.
قازٸرگٸ ۋاقىتتا ٸستٸ تەرگەۋ جالعاسىپ جاتىر. تەرگەۋ بارىسى رەسەي فەدەراتسيياسىنىڭ تەرگەۋ كوميتەتٸنٸڭ باقىلاۋىندا.
