Kabardin-Balqar Respýblikasynda 2012 jyly enesin óltirdi degen kúdikpen 44 jastaǵy áiel ustaldy, dep habarlaidy dalanews.kz.
2012 jyldyń maýsym aiynda Hatýi aýylyndaǵy jeke úilerdiń birinen 75 jastaǵy zeinetkerdiń máiiti tabylǵan. Úiden sondai-aq 157 myń rýbl joǵalǵan. Sol kezde júrgizilgen tergeý barysynda qylmysqa qatysy bar adamdar anyqtalmai, is ýaqytsha toqtatylǵan bolatyn.
Alaida tergeýshiler isti tolyq jappai, jyldar ótken soń qylmystyq is materialdaryn qaita qarap shyqqan. Kriminalister kýágerlerdiń, sonyń ishinde marqumnyń kelini men sol kezde 8 jasta bolǵan ulynyń jaýaptaryn qaita zerttegen.
Tergeý úshin sheshýshi aiǵaq qazir eseigen uldyń jańa jaýaby boldy. Onyń aitýynsha, anasy ózinen sol túni enesiniń bólmesiniń janynda ony kórmegenin aityp, jalǵan kýálik berýdi suraǵan.
Qaita júrgizilgen jaýap alý kezinde áiel kinásin moiyndaǵan. Onyń aitýynsha, qylmysqa enesimen aradaǵy jeke kelispeýshilik sebep bolǵan. Áiel kisi óltirgennen keiin jertólede jasyrylǵan aqshany da alyp ketkenin aitqan.
Kúdikti ustalyp, sottyń sanktsiiasymen qamaýǵa alyndy.
Qazirgi ýaqytta isti tergeý jalǵasyp jatyr. Tergeý barysy Resei Federatsiiasynyń Tergeý komitetiniń baqylaýynda.
