اقشادان تارىعىپ، بۇيرەگىن ساتپاق بولعان تۇركىستان تۇرعىنى سوتتان ءبىر شىقتى، دەپ حابارلايدى Dalanews.kz.
م. بۇيرەگىن ساتۋ ماقساتىندا 2025 جىلى اقپاندا Telegram جەلىسى ارقىلى جارناما جاساپ، ناتيجەسىندە ىشكى ىستەر ورگاندارىنىڭ قىزمەتكەرى ا.-مەن جولىعىپ، 13 ميلليون تەڭگەگە ساتاتىنىن كەلىسكەن. ول 5 ميلليون تەڭگەنى قولما-قول الۋ بارىسىندا ۇستالعان.
"سوتتا ايىپتالۋشى م. كىناسىن تولىق مويىنداپ، بۇل ارەكەتكە مۇقتاجدىعى سەبەپ بولعانىن ايتىپ، جاساعان ىسىنە وكىنەتىنىن جەتكىزگەن"، - دەپ جازىلعان سوت مالىمەتىندە.
سوت "قازاقستان رەسپۋبليكاسى كونستيتۋسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى" قازاقستان رەسپۋبليكاسىنىڭ زاڭىن قولدانىپ، م.ء-دى قىلمىستىق جاۋاپكەرشىلىكتەن بوساتىپ، ءىس جۇرگىزۋدى توقتاتقان.
قاۋلى زاڭدى كۇشىنە ەنگەن جوق.
