قازاقستاندا Helicobacter pylori ينفەكتسيياسىن ەمدەۋگە قولدانىلاتىن ۆونوپرازان دەرٸسٸنٸڭ دەرٸحانالاردا جوقتىعى جەنە ونىڭ تاپسىرىسپەن بٸرنەشە جٷز مىڭ تەڭگەگە ۇسىنىلۋى تۋرالى قۇرىلتاي دەپۋتاتى اسحات ايماعامبەتوۆ ايتتى, دەپ حابارلايدى dalanews.kz.
ايماعامبەتوۆ بۇل مەسەلەنٸ ٶزٸنٸڭ جازباسىندا كٶتەردٸ. ونىڭ ايتۋىنشا, جەكە قابىلداۋ كەزٸندە ازامات دەرٸگەر تاعايىنداعان زاماناۋي پرەپاراتتى قازاقستانداعى كەدٸمگٸ دەرٸحانالاردان تابا الماعان. ناۋقاسقا 14 كٷندٸك ەم ٷشٸن 20 مگ دوزاداعى 28 تابلەتكا قاجەت بولعان.
دەپۋتاتتىڭ مەلٸمەتٸنشە, جاپونييادا Takeda كومپانيياسى شىعاراتىن تٷپنۇسقا Takecab پرەپاراتىنىڭ 28 تابلەتكاسى شامامەن 11 مىڭ تەڭگە تۇرادى. مالايزييادا 30 تابلەتكالىق قاپتاماسى 27–30 مىڭ تەڭگە شاماسىندا ساتىلادى. ال قازاقستاندا وسى پرەپاراتتى تاپسىرىسپەن 100 تابلەتكادان تۇراتىن قاپتامادا 463 مىڭ تەڭگەگە نەمەسە ودان دا قىمباتقا ۇسىنعان.
وسىلايشا, ايماعامبەتوۆتٸڭ سٶزٸنشە, پاتسيەنت ٶزٸنە قاجەتتٸ 28 تابلەتكانىڭ ورنىنا شامامەن تٶرت ەسە كٶپ دەرٸ ساتىپ الۋعا مەجبٷر بولۋى نەمەسە تاعايىندالعان ەمنەن باس تارتۋى مٷمكٸن. دەپۋتات بٸر تابلەتكانىڭ قازاقستانداعى باعاسى جاپونيياداعى رەسمي باعادان شامامەن 12 ەسە جوعارى ەكەنٸن اتاپ ٶتتٸ.
دەپۋتات بيىل دەرٸلٸك زاتتاردى تٸركەۋ تەرتٸبٸن جەڭٸلدەتەتٸن زاڭ قابىلدانعانىن ەسكە سالدى. الايدا ونىڭ پٸكٸرٸنشە, مەسەلە تەك تٸركەۋدە ەمەس. نارىقتا سۇرانىسقا يە, بٸراق جوق پرەپاراتتاردى انىقتاپ, ٶندٸرۋشٸلەرمەن جۇمىس ٸستەۋ جەنە جەتكٸزۋ تەتٸكتەرٸن جەڭٸلدەتۋ قاجەت.
«زاڭ قابىلداندى. ەندٸ ونىڭ جۇمىس ٸستەۋٸن قامتاماسىز ەتۋ قاجەت. نەگٸزگٸ نەتيجە – قاعاز جٷزٸندە قىسقارعان مەرزٸمدەر ەمەس, پاتسيەنتكە قاجەتتٸ دەرٸنٸڭ دەرٸحانادا قولجەتٸمدٸ باعامەن بولۋى», – دەپ جازدى ايماعامبەتوۆ.
دەپۋتات بۇل مەسەلەنٸ كوميتەت وتىرىسىندا جەنە قۇرىلتايدا كٶتەرەتٸنٸن مەلٸمدەدٸ.
