جەكسەنبٸ, 15 ناۋرىزدا گەرمانييا, فرانتسييا, اقش جەنە ۇلىبريتانييا سيريياعا جٶنٸندە بٸرلەسكەن مەلٸمدەمە جاسادى. اساد جٷيەسٸ «جاساعان قىلمىستارى ٷشٸن جاۋاپقا تارتىلۋى كەرەك» دەلٸنگەن مەلٸمدەمەدە. رەسەي مەن يران قولداۋىنا يە سيرييا جٷيەسٸ ورنى تولماس گۋمانيتارلىق داعدارىسقا ەكەپ سوقتىرادى.
گەرمانييا, فرانتسييا, اقش پەن ۇلىبريتانييا سيرييا باسشىلىعىنان بۇۇ قاۋٸپسٸزدٸك كەڭەسٸنٸڭ 2254-قارارىن ورىنداۋدى تالاپ ەتتٸ. قاراردا ۇلتتىق بٸتٸم ورناتىپ, كونستيتۋتسييالىق رەفورمالار مەن ەركٸن سايلاۋ ٶتكٸزۋدٸ قاراستىرادى.
تٶرت ەلدٸڭ مەلٸمدەمەسٸندە اسادتىڭ جٷيەنٸ ساقتاپ قالۋعا تالپىنىسى سالدارىنان سيرييا تۇرعىندارىنىڭ جارىمى – 11 ميلليون ادام بوسىپ كەتكەنٸ, جارتى ميلليوننان استام سيرييالىق وپات بولعانى ايتىلدى.
سيريياداعى تولقۋلار 2011 جىلى «اراب كٶكتەمٸ» ىقپالىمەن باستالدى. جازدا ٷكٸمەتكە قارسى بۇل تولقۋلار تٷرلٸ تاراپتاردىڭ ەسكەري جانجالىنا ۇلاستى. وپپوزيتسييا پرەزيدەنت باشار اسادتىڭ بيلٸكتەن كەتۋٸن تالاپ ەتتٸ.
