قازاقستاننىڭ تاۋەلسىزدىك كۇنى قارساڭىندا ەلوردادا «10 يگى ءىس» ۇرانىمەن الەۋمەتتىك قايىرىمدىلىق ءىس-شارالارى ءوتىپ جاتىر. باستى ماقسات – قالا مەن ونىڭ تۇرعىندارى ءۇشىن قايىرىمدىلىق جاساۋ.
ماسەلەن، ايازدى كۇندەرى ەرىكتىلەر ءوتىپ بارا جاتقان ادامدارعا ىستىق شاي مەن باۋىرساق ۇسىندى.
– ءقازىر قالادا اياز كۇشەيىپ تۇر. مەكتەپتەردەگى ساباقتار توقتاتىلدى. وسىنداي يگى ارەكەتتەرمەن ءبىز اينالامىزدا جىلى، دوستىق قارىم-قاتىناس ورناتامىز، جاستارعا قايىرىمدىلىقتى ناسيحاتتايمىز. اكسيا قىس بويى وتكىزىلەتىن بولادى. ءبىز بارلىعىن قوسىلۋعا جانە مۇقتاج جاندارعا كومەك كورسەتۋگە شاقىرامىز، – دەدى ايزات ءالي.
ەرىكتىلەر سونىمەن قاتار اۆتوكولىك يەلەرىن كىشكەنتاي بالالارى بار ايەلدەردى تەگىن تاسىمالداۋعا شاقىردى.
قالا تۇرعىندارى ەستافەتاعا قوسىلا الادى جانە ىزگىلىك اكسياسى اياسىندا ءوز اككاۋنتتارىندا #مەيىرىمبولۋادەت، #مەيىرىمدىلىكومىر #ءسانقوي مەيىرىمدى حەشتەگىمەن اقپارات نەمەسە ۆيدەو جاريالاي الادى.
