استانادا 1-سىنىپقا الداعى وقۋ جىلىندا 35 مىڭعا جۋىق بالا قابىلدانادى, دەپ حابارلايدى dalanews.kz.
2026-2027 وقۋ جىلىنا بٸرٸنشٸ سىنىپقا قابىلداۋ ناۋقانى جالعاسىپ جاتىر. قۇجات قابىلداۋ 28 مامىردا باستالىپ, 31 تامىزعا دەيٸن جٷرگٸزٸلەدٸ.
استانا قالاسى بٸلٸم باسقارماسىنىڭ مەلٸمەتٸنشە, بٷگٸندە 30 مىڭنان اسا بالا بٸرٸنشٸ سىنىپقا قابىلدانعان. جاڭا وقۋ جىلى باستالعانعا دەيٸن ەلوردا مەكتەپتەرٸنٸڭ تابالدىرىعىن 35 مىڭعا جۋىق بٷلدٸرشٸن اتتايدى دەپ جوسپارلانىپ وتىر.
اتا-انالار قۇجاتتاردى www.egov.kz ارقىلى ەلەكترون تٷردە تاپسىرا الادى. سونىمەن قاتار, قۇجاتتاردى مەكتەپكە بارىپ, قاعاز تٷرٸندە دە ٶتكٸزۋگە مٷمكٸندٸك بار.
بٸرٸنشٸ سىنىپقا قابىلداۋ ٷشٸن قاجەتتٸ قۇجاتتار:
- اتا-اناسىنىڭ نەمەسە زاڭدى ٶكٸلٸنٸڭ ٶتٸنٸشٸ;
- "پروفيلاكتيكالىق ەكپەلەر كارتاسى" (№065/ۋ);
- "بالا دەنساۋلىعىنىڭ پاسپورتى" (№052-2/ۋ);
- بالانىڭ 3×4 سم ٶلشەمٸندەگٸ سۋرەتٸ.
قۇجاتتاردى قاعاز تٷرٸندە تاپسىرعان جاعدايدا اتا-اناسىنىڭ نەمەسە زاڭدى ٶكٸلٸنٸڭ جەكە كۋەلٸگٸنٸڭ كٶشٸرمەسٸ قوسا ۇسىنىلادى. بٸرٸنشٸ سىنىپقا قابىلداۋ تەرتٸبٸ بويىنشا تولىق اقپاراتتى اتا-انالار تۇرعىلىقتى جەرٸ بويىنشا مەكتەپتەردەن نەمەسە ەلەكترون پورتالداردان الا الادى.
