Astanada 1-synypqa aldaǵy oqý jylynda 35 myńǵa jýyq bala qabyldanady, dep habarlaidy dalanews.kz.
2026-2027 oqý jylyna birinshi synypqa qabyldaý naýqany jalǵasyp jatyr. Qujat qabyldaý 28 mamyrda bastalyp, 31 tamyzǵa deiin júrgiziledi.
Astana qalasy Bilim basqarmasynyń málimetinshe, búginde 30 myńnan asa bala birinshi synypqa qabyldanǵan. Jańa oqý jyly bastalǵanǵa deiin elorda mektepteriniń tabaldyryǵyn 35 myńǵa jýyq búldirshin attaidy dep josparlanyp otyr.
Ata-analar qujattardy www.egov.kz arqyly elektron túrde tapsyra alady. Sonymen qatar, qujattardy mektepke baryp, qaǵaz túrinde de ótkizýge múmkindik bar.
Birinshi synypqa qabyldaý úshin qajetti qujattar:
- ata-anasynyń nemese zańdy ókiliniń ótinishi;
- "Profilaktikalyq ekpeler kartasy" (№065/ý);
- "Bala densaýlyǵynyń pasporty" (№052-2/ý);
- balanyń 3×4 sm ólshemindegi sýreti.
Qujattardy qaǵaz túrinde tapsyrǵan jaǵdaida ata-anasynyń nemese zańdy ókiliniń jeke kýáliginiń kóshirmesi qosa usynylady. Birinshi synypqa qabyldaý tártibi boiynsha tolyq aqparatty ata-analar turǵylyqty jeri boiynsha mektepterden nemese elektron portaldardan ala alady.
