قازاقستاندا جاڭا وقۋ جىلى باستالعالى بەرٸ 104 وقۋشىعا كوروناۆيرۋس جۇققان: 33 بالا كەزەكشٸ سىنىپتا وقىعان, 71 بالا ٷيدەن وقىپ كەلگەن. ولارمەن بايلانىستا بولعان ادامدار انىقتالدى. 30 قىركٷيەكتە ٷكٸمەت وتىرىسى كەزٸندە دەنساۋلىق ساقتاۋ مينيسترٸ الەكسەي تسوي وسىلاي دەپ مەلٸمدەدٸ.
قازاقستاندا كوروناۆيرۋسقا بايلانىستى وقۋشىلاردىڭ باسىم بٶلٸگٸ 1 قىركٷيەكتەن باستاپ قاشىقتان وقي باستاعان. رەسمي مەلٸمەت بويىنشا تەك باستاۋىش سىنىپ وقۋشىلارى ٷشٸن عانا كەزەكشٸ سىنىپتار ۇيىمداستىرىلعان. قازٸر جارتى ميلليوننان استام وقۋشى (625 مىڭ بالا) - وفلاين, 2,85 ملن وقۋشى ونلاين وقىپ جاتىر.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, شىعىس قازاقستان (13) جەنە سولتٷستٸك قازاقستان (10) وبلىستارىندا كوروناۆيرۋس جۇققان وقۋشىلار كٶبٸرەك انىقتالعان.
سانيتارلىق تالاپتارعا سەيكەس, كەزەكشٸ سىنىپتاردا وقۋشىلار سانى 15-تەن اسپاۋى تيٸس. سىنىپتارعا ٷزٸلٸس ەر ۋاقىتتا جارييالانىپ, وقۋشىلاردىڭ ساباق كەزٸندە جاقىن وتىرۋىنا تىيىم سالىنعان.
سوڭعى مەلٸمەت بويىنشا, قازاقستاندا كوروناۆيرۋس پەن كوروناۆيرۋس پنەۆمونيياسىنا شالدىققاندار سانى 140 مىڭنان اسقان. ناۋرىز ايىنان بەرٸ 2 مىڭنان استام ادام قايتىس بولعان. قازٸر ونداعان بالا كوروناۆيرۋستان ەمدەلٸپ جاتىر. دەنساۋلىق ساقتاۋ مينيسترلٸگٸنٸڭ حابارلاۋىنشا, ەلدە كوروناۆيرۋسپەن بايلانىستى بالا ٶلٸمٸ تٸركەلمەگەن.
