استانادا سۋبۇرقاق قۇرىلىسىنا بولىنگەن 1 ملرد تەڭگەنى جىمقىردى دەپ كۇدىككە ىلىنگەن مادەنيەت باسقارماسىنىڭ ەكس-باسشىسى بولات ماجاعۇلوۆقا قاتىستى سوت ۇكىمى شىقتى، دەپ حابارلايدى Dalanews.kz.
سوت ۇكىمى بويىنشا، بولات ماجاعۇلوۆ 8،6 جىلعا سوتتالدى
ەسكە سالايىق، ەكس-شەنەۋنىك بولات ماجاعۇلوۆتىڭ ۇستالعانى تۋرالى قارجىلىق مونيتورينگ اگەنتتىگى ءمالىم ەتتى. استانا قالاسىنىڭ "مادەنيەت باسقارماسى" ءمم-نىڭ بۇرىنعى باسشىسى مەن مەردىگەر ۇيىم وكىلدەرىنە قاتىستى اسا ءىرى كولەمدە بيۋدجەت قاراجاتىن جىمقىرۋ فاكتىسى بويىنشا قارجىلىق مونيتورينگ اگەنتتىگى سوتقا دەيىنگى تەرگەۋ امالدارىن جۇرگىزدى.
2016 جىلى استانا كۇنى مەرەكەسىنە وراي سالىنعان "كۇن" ("ەسىل وزەنىندەگى جارىق-يلليۋميناسيالىق جانە وت شوۋى") سۋبىرقاعىنىڭ قۇرىلىسى كەزىندە مەملەكەتتىك ساتىپ الۋ راسىمدەرى جۇرگىزىلمەي تىكەلەي كەلىسىمشارتتار جاسالعان. سۋبۇرقاق جوبالىق قۇجاتتاماسىز جانە مەملەكەتتىك ساراپتامادان وتپەي سالىنعان.
قۇرىلىس بارىسىندا تەحنيكالىق سيپاتتامالارعا سايكەس كەلمەيتىن ساپاسىز ماتەريالدار قولدانىلعان. ناتيجەسىندە اتالعان نىسان 2017 جىلدان باستاپ جۇمىس ىستەمەي، قازىرگى تاڭدا اپاتتى جاعدايدا تۇر.
ۇرلانعان قاراجاتتىڭ كولەمى 1 ملرد تەڭگەدەن اسىپ وتىر.
كۇدىكتى، استانا قالاسىنىڭ "مادەنيەت باسقارماسى" ءمم-نىڭ بۇرىنعى باسشىسى بولات ماجاعۇلوۆ ۇستالىپ، ۋاقىتشا ۇستاۋ يزولياتورىنا قامالدى. تەرگەۋ اياسىندا ونىڭ مۇلكىنە تىيىم سالىندى. ونىڭ ىشىندە 3 كوممەرسيالىق نىسان، 2 اۆتوتۇراق ورنى جانە استانا قالاسىنداعى پرەميۋم ساناتتاعى پاتەر.
اتالعان ءىس بويىنشا كۇدىكتىلەردىڭ مۇلكىنە جالپى سوماسى 572 ميلليون تەڭگەدەن استام سوماعا شەكتەۋ قويىلدى.
