"Кешегі кездесуде Дулат Исабек ағам: «Шетелдегі қандастардың бәсекеге қабілеттілерін әкелейік», – деген сарында айтқан әңгімесі «сасқан үйректің» сөзі ме, әлде, шынымен солай ойлай ма?
Бұл сөзден келіп шығар мағына – «шетелде жүрген 5 миллион Қазақтың оқыған, еңбекке жарамдыларын ғана Елге әкелейік, қалған шал-шауқан, кемпір-кешектер, оқымаған, бәлен баласы бар, бірақ қаражаты жоқ дәрменсіз жұрт сонда қала берсін» дегенге саяды.
ҰЛТ ұғымын барша Қазақ құрамаушы ма еді?
Қартайған ата-анасын, ауылдағы оқымаған аға-інісін тастап, сопайып жалғыздан-жалғыз келіп, кім опа таппақ мұнда?
Көзіме күллі жұртқа даңқы кеткен абыз жазушыдан гөрі, тайға мінуге ғана шамасы келетін он жасар бала елестеп кетті..." деді журналист.
