Бұл ретте облыстың даму жоспарына сәйкес, алдағы үш жылда барлығы 84 елді мекенді, яғни 209,7 мың адамды орталықтандырылған ауызсумен қамту жоспарланып отыр. Осы арқылы Түркістан мен оған қарасты елді-мекендерді ауыз сумен қамту мәселесі біржолата шешілетін болады деп күтілуде.
Оның ішінде биылғы жылы ауызсу саласына 9,6 млрд теңге бөлініп, 76 нысанның құрылысы іске асырылғанын айта кетелік. Аталған нысандардың 20-сы биыл пайдалануға берілді, ал өзге 56 нысанның құрылысы келер жылға қалады. Нәтижесінде, осы жылы аймақтағы 13 елді мекен, яғни 19,6 мың тұрғын таза ауызсумен қамтылса, 2 елді мекендегі тозығы жеткен су құбырлары қайта жаңартылады.
Сонымен қатар 35 елді мекенді ауызсумен қамтамасыз ету үшін биыл жобалау-сметалық құжаттары әзірленуде. Нәтижесінде, 2020 жылға қарай қала тұрғындарының 97 пайызы, ауылдық елді мекендердің 83 пайызы орталықтандырылған ауызсумен қамтылатын болады.
Айта кетейік, бүгінгі таңда облыстағы қалалардың – 93,4 пайызы, ал ауылдық елді мекендердің 73,6 пайызы орталықтандырылған ауызсумен қамтамасыз етілген.
Түркістан халқын таза ауыз сумен қамтамасыз ету қажеттігін Елбасы да қадап тапсырған болатын.
