Салық сарапшысы Максим Барышев Қазақстанның жаңа салық кодексі мен экономикалық жағдайы бизнес үшін қиындықтар туғызып отырғанын айтты, деп хабарлайды Dalanews.kz.
Uchet.kz жариялаған видеода ол көптеген кәсіпкердің көрші мемлекеттерге көшу қаупі артып жатқаны туралы ескерткен.
“Кәсіпкерлер көрші елдердің тәжірибесін бақылап отыр. Жабық кездесуде Қазақстан мен Өзбекстанның өкілдерімен сөйлескенде олар Қазақстандағы салық саясатының қиындықтарын атап өтті. Бұл жағдай шетелдік инвесторлардың тартылуын арттырғанымен, кейбір кәсіпкерлерді көрші елдерге көшуге итермелеуі мүмкін”, – деді Барышев.
Сарапшының айтуынша, Қазақстанның кейбір бизнес құрылымдары көрші елдердегі тиімді салықтық және экономикалық жағдайларға қызығушылық танытып отыр. Бұл Қазақстанның ішкі экономикалық саясатында бизнес үшін қосымша тәуекелдер туғызуы мүмкін.
