Самбодан Қазақстанның бірнеше дүркін чемпионы, Азия чемпионы, КСРО құрамасының мүшесі, Әлем чемпионатының қола жүлдегері, сумодан Азия чемпионаттарының бірнеше дүркін жеңімпазы, қазақша күрестен абсолютті чемпион, Абайдың 150 жылдық тойында түйе палуан атанып, егемен еліне мінсіз қызмет еткен спорт қайраткерінің даңқты өмір жолы ғибрат пен қайсарлыққа толы.
Ол тек жақын адамдарына ғана емес, көптеген алаш азаматтарына көмек қолын созып, қамқор болған жайсаң аға, тәлімгер ұстаз болды. Артында ұрпағы мен оның жүрегінің жылуын сезінген ізгі жандар барда Самат Әділханұлы Рамазановтың есімі мен ізгі амалдары ұмытылмайды.
Бақұл бол бауырым, сабаз азаматым, жаның жанатта, рухың пейіште шалқысын. Жарқын бейнеңіз жүректен мәңгі өшпейді.
Бір топ туыстары, тілектес достары
