Бүгін Атырау облысының әкімі Махамбет Досмұхамбетов халықпен есепті кездесуінде Жайық пен Қиғаш өзендерінің түбін тереңдету жұмыстары жалғасатынын атап өтті, – деп хабарлайды Dalanews.kz Атырау облыстық коммуникациялар қызметіне сілтеме жасап.

– 2017-2020 жылдары Жайық, Қиғаш өзендерінің 152 шақырым аумағындағы табанын тереңдету жүргізілді. Нақтылап айтсам, биыл Қиғаштың 17 шақырымында осындай жұмыстар жасалады. Алдағы жылдары 295 шақырым өзен түбін тереңдетуге жобалау-сметалық құжаттамасы жасақталып, сараптамаға жолданды, – деп атап өтті Атырау облысының әкімі Махамбет Досмұхамбетов.

Спикердің атап өтуінше, бұл жұмыстар экологияны жақсартумен қатар, балық қорын молайтуға мүмкіндік береді.​