Арна ақпаратына қарағанда тергеу амалдары аяқталуға жақын әрі алдағы уақытта толыққанды мәлімет берілмек.
Ақышевқа тағылған 2 айып:
БЖЗҚ-ның Лондон биржасынан Қазатомөнеркәсіп акцияларын сатып алып, оны KASE-ге қою арқылы саудалауы қылмыстық қудалауға негіздің бірі ретінде алынғаны айтылады.
Тағы бір себебі – теңге бағамымен «ойнауы». Аудиторлар бұл ретте бірнеше заңсыздықтарды байқап, одан тәуір табыс тапқан компанияларды анықтаған.
Dalanews.kz Бас прокуратураға осы мәліметтің мән-жайын анықтау үшін өтініш түсірді. Оның жауабы жақын арада жарияланатын болады.
Данияр Ақышев ҚР Ұлттық банкке 2015 жылдың қарашасынан бастап 2019 жылдың ақпан айына дейін басшылық еткен.
