Әсел Қалықова жақында Алматыға Pfizer вакцинасының алғашқы партиясы жеткізілгенін атап өтті. Әзірге ол халықтың тек үш санатына арналған-жасөспірімдерге, жүкті және бала емізетін әйелдерге. Алматы үшін вакциналанудың бірінші және екінші компонентінің 46 800 дозасы сатып алынды, бұл көлем ҚР халқын жаппай вакциналауды аяқтауға мүмкіндік береді.
– Вакциналар Қоғамдық денсаулық басқармасының орталықтандырылған қоймасына келіп түсті, бүгін және ертең оны медициналық ұйымдарға береді. Бүгінде бұл вакцинаны сақтау және тасымалдау туралы нақты нұсқаулар бар. Барлық дайындық жұмыстары жүргізілді, мұздатқыш жабдықтар мен шприцтер сатып алынды, медициналық қызметкерлер вакцинаны қолдану бойынша оқытылды, – деп хабарлады СЭБД басшысының орынбасары.
Алғашында 16 жастан 18 жасқа дейінгі жасөспірімдер коронавирусқа қарсы егіледі, содан кейін басқа жастағы топтардың балалары – 15, 14, 13 және 12 жастағылар.
– Бүгінде ата-аналары балаларын вакциналауға келісім берген жасөспірімдердің тізімі жасалды. Күн сайын бұл көрсеткіш тұрақты өсуде. Оқу орнында да, медициналық ұйымдарда да вакцинациялауға болады. Әрбір мектептің медициналық кабинеті бар, сондықтан мектептерде вакцинациялау мүмкіндігі бар, оны емханалардан көшпелі бригадалардың дәрігерлері жүргізетін болады, – деп түсіндірді Әсел Қалықова.
ҚДБ өкілі Сұлтанғазиеваның мәліметінше, бүгінде Алматыда 12 жастан 18 жасқа дейінгі 170 мыңнан астам жасөспірім бар.
– Ата-аналардың 20% -ға жуығы келісті, ал бұл 30 мыңнан астам бала. Вакцина 20 қалалық емханаға жіберіледі, содан кейін дәрігерлер мектептерден мәліметтерді жинайды. Вакциналудан бұрын міндетті тексеруден өтеді, ал баланы басқа кабинетте вакциналағаннан кейін жарты сағат ішінде екінші дәрігер бақылайтын болады, – деді Светлана Сұлтанғазиева.
Айта кетерлігі, вакцина мектептерде сақталмайды, ол тізімге сәйкес жеткізіледі.
Светлана Сұлтанғазиева қазірдің өзінде елде 20-дан астам жүкті әйелдерді вакциналу басталғанына назар аударды.
– Ең алдымен көптеген зерттеулер жүргізілген. Коронавирустың фонында асқынулар болған әйелдер болды. Біз жүкті әйелдерді 16-дан 37 аптаға дейін екі компоненттен вакциналауды ұсынамыз. Сондай-ақ, әйелдерге лактация кезінде босанғаннан кейін 42 күн өткен соң вакциналау ұсынылады, – деді ол.
Pfizer препаратын салдырғысы келетіндердің барлығы тұрғылықты жері бойынша емханаларға барып, тіркелуі керек. Вакцинаның қосымша дозалары болған кезде олар вакциналанады немесе қайта егіледі.
Pfizer вакцинасы ДДҰ-ға шұғыл қолдануға рұқсат етілген, вакцина АҚШ, Ұлыбритания, Канада және ЕО-да қолданылады. Оның тиімділігі 95%-ды құрайды. Бұл – Қазақстанда тіркелген алтыншы вакцина.
