Qazaqstanda kreativti indýstriiaǵa jatatyn ekonomikalyq qyzmet túrleriniń tizimi keńeitilip, olardyń sany 43-ten 53-ke jetti, dep habarlaidy dalanews.kz.
"Naryq jańalyqtary" telegram arnasynyń málimetinshe, jańartylǵan tizimge endi veb-portaldardyń jumysy, radiohabar taratý, mádeniet salasyndaǵy bilim berý, jarnama agenttikteriniń qyzmeti, kitap shyǵarý, baspa isi, kino jáne telebaǵdarlamalardy taratý, kinoteatrlardyń qyzmeti, baspa óndirisiniń ózge de baǵyttary, sondai-aq tyǵyn, saban jáne toqýǵa arnalǵan materialdardan buiymdar óndirý engizildi.
Osy ózgeristerdiń nátijesinde atalǵan salalarda jumys isteitin kásipkerler men uiymdar kreativti indýstriia sýbektisi retinde resmi mártebe alady. Bul óz kezeginde memlekettik qoldaý tetikterin paidalanýǵa, túrli damý baǵdarlamalaryna qatysýǵa jáne shyǵarmashylyq kásipkerlikti damytýǵa jańa múmkindikter ashady.
