Joǵary aýditorlyq palata memlekettik aýdit organdary jumysynyń qorytyndylaryn qarady, dep habarlaidy dalanews.kz.
Otyrysta memlekettik aýdit organdarynyń 2025 jylǵy qyzmetiniń nátijeleri qaraldy. Negizgi máseleler men kemshilikter talqylandy.
Joǵary aýditorlyq palata múshesi Rahymjan Dildáevtiń málimetinshe, 20 tekserý komissiiasynyń ishinen 16 komissiianyń qyzmeti tiimdi dep baǵalanǵan. Bul baǵytta jalpy oń dinamika baiqalady: 2023-2025 jyldary joǵary baǵa alǵan tekserý komissiialarynyń sany 11-den 16-ǵa, iaǵni 55%-dan 80%-ǵa deiin ósken.
Aýdit obektileriniń bekitilgen tizbeden aýytqý úlesi 2023 jylǵy 8,2%-dan 2025 jyly 4,8%-ǵa deiin birtindep tómendegen. Bul aýditorlyq is-sharalardy josparlaý sapasy artqanyn kórsetedi. Sonymen qatar, otyrysta ótken jyldyń baǵalaý qorytyndysy boiynsha reitingte sońǵy oryndardy ielengen Mańǵystaý, Qostanai jáne Túrkistan oblystarynyń tekserý komissiialary basshylarynyń baiandamalary tyńdalǵan. Álihan Smaiylov artta qalǵan tekserý komissiialaryn baqylaý kúsheitiletinin atap ótti. Osy maqsatta 19 maýsymda rásimdik standartqa tiisti ózgerister engizilgen.
"Tekserý komissiiasy Joǵary aýditorlyq palata júrgizetin baǵalaý reitinginde qatarynan úsh jyl boiy sońǵy úshtikke ense, tiisti máslihatqa sharalar qabyldaý týraly usynys engiziledi", - dedi tóraǵa.
