Memleket basshysy ekinshi deńgeili bankterge 600 mlrd. teńge bólýdi tapsyrǵan-tuǵyn.
Qarjy ministri Álihan Smaiylov Úkimettiń ekinshi deńgeili bankterge arnalǵan aqshany qaidan alaryn aitty dep habarlaidy Dalanews.kz.
– Men bilsem Ulttyq bank qajetti qarajattyń teń jartysyn Zeinetaqy qorynan almaq, ózgesin óz qaltasynan shyǵarady. Bul aqsha ekinshi deńgeili bankterge qaitarymdy negizde naryqtyq mólsherlememen beriledi.
Smaiylovtyń aitýynsha bankterge bólingen aqsha ekonomikadaǵy elekten ótken jobalar men basym baǵyttardy qarjylandyrýǵa jumsalatyn bolady.
– Bizdiń maqsat osy aqshanyń dittegen jerine jetip, tiisti deńgeide igerilýin baqylaý, – deidi ol.
Smaiylovtyń sózinshe Zeinetaqy qoryndaǵy qyrýar qarajat tekke jatpai qordyń aktivteri óse túsý úshin ainalymda júrýi tiis.
Bul úshin munshama aqshany bir jerge investitsiialaý kerek.
– Qordyń aqshasyn naryqtyń mólsherlememen óz ekonomikamyzǵa baǵyttaǵaly otyrmyz. Bul qalypty qubylys. Álemniń barlyq elinde bar tájiribe - Zeinetaqy qoryndaǵy aqsha qaitarymdy negizde ekonomikaǵa investitsiialanyp, sonyń esebinen qordyń aktivi ulǵaiady, eldiń de ál-aýqaty artady, – deidi ol.
Onyń aitýynsha aldaǵy ýaqytta Ulttyq bank qai bankke, qansha kólemde, qandai talaptar negizinde qaryz beretinin anyqtaýy tiis.
Foto: KazTAG
