Qazaqstan Respýblikasynyń Prezidenti janyndaǵy Qazaqstannyń strategiialyq zertteýler institýty aǵymdaǵy jyldyń 11 mamyry men 22 maýsymy aralyǵynda áleýmettanýlyq saýalnama júrgizdi. Iriktemege 8000 respondent qatysqan. Saýalnamaǵa 17 oblys pen respýblikalyq mańyzy bar qalalar: Astana, Almaty jáne Shymkenttiń 18 jastan asqan respondentteri qatysty, dep habarlaidy Dalanews.kz.
Qoǵamdyq pikirdi zertteý nátijelerine sáikes, Qazaqstan Respýblikasynyń Prezidentine respondentterdiń 77,1 paiyzy senim bildiredi. Bul rette birqatar zańdylyqtardy eskere otyryp, Memleket basshysyna senim artqan azamattardyń ortasha portretin kórsetýge bolady.
Birinshiden, jastar Prezidentke kóbirek senim artady (81,9%).
Ekinshiden, respondentterdiń bilim deńgeii neǵurlym joǵary bolsa, soǵurlym olardyń Memleket basshysyna degen senimi artady.
Úshinshiden, Memleket basshysyna senim deńgeii aýyl turǵyndary (79,6%) jáne qala turǵyndary (75,4%), áielder (79%) jáne erler (74,9%) arasynda shamamen birdei ekenin atap ótken jón.
Tórtinshiden, bilim, ónerkásip, qyzmet kórsetý, kólik jáne aýyl sharýashylyǵy salalarynda qyzmet etetinder Prezidentke kóbirek senim artady.
Álemde saiasi institýttarǵa degen senimniń tómendeýi siiaqty jalpy úrdis baiqalady. Taiaý Shyǵys pen Shyǵys Eýropadaǵy geosaiasi ózgerister, pandemiia, infliatsiia saldarynan ómir súrý qunynyń ósýi jáne kóptegen elderdi sharpyǵan ekonomikalyq daǵdarys saiasi institýttarǵa degen senimniń tómendeýiniń sebepterin túsindiredi.
Bul turǵyda Qazaqstan kóptegen eldermen salystyrǵanda jaqsy jaǵynan erekshelenedi. Memlekettiń kezeń-kezeńimen saiasi jańǵyrýy, kóppartiialyq júieni damytýǵa baǵyttalǵan zańdar, jergilikti jáne aýdan ákimderin sailaý, «Halyq únine qulaq asatyn memleket» formýlasyn júzege asyrý – osynyń barlyǵy Prezidenttiń Ádiletti Qazaqstan tujyrymdamasyn is júzinde júzege asyrýdyń kórinisi.
Áleýmettanýlyq zertteýlerdiń nátijeleri kórsetkendei, Qasym-Jomart Toqaevtyń ashyq jáne ádil qoǵam qurýǵa, azamattardyń ál-aýqatyn arttyrýǵa baǵyttalǵan reformalary, saiyp kelgende, Prezidenttiń qoǵamdaǵy joǵary reitingine negiz boldy.
