AQSH prezıdenti Djo Baıden Ýkraınaǵa alys qashyqtaǵy nysandy joıatyn MLRS artılerıasyn beretin boldy. Ýkraın sarbazdary osy qarýdy ýysyna túsirýdi kópten beri armandap júrgen edi. AQSH bıligi «ýkraın sarbazdary Reseı terıtorıasyndaǵy nysandardy atqylaýy múmkin» dep atalǵan qarýdy berýdi kesheýildetip kelgen-di. Endi AQSH MLRS artılerıasyn beretin boldy.  

Buǵan deıin AQSH Ýkraıanaǵa Reseı terıtorıasyn atqylaýǵa múmkindik beretin qashyqtan soqqy beretin zymyrandardy bermeıtinin aıtqany esimizde.

Óz kezeginde AQSH-tyń Reseıdegi burynǵy elshisi, halyqaralyq sarapshy Maıkl Maýfol:

– Baıden ákimshiliginiń MLRS artılerıasyn berý isine túsinikteme bersem, menińshe jaqyn kúnderi Ýkraına kózdegen nysanyna dál tıetin qarý túrine ıe bolady. Óıtkeni, Ýkraına jerine ishkerilip kirip alǵan Reseı áskerine soqqy berý úshin mundaı qarý asa qajet, – degen bolatyn.

Kúni keshe ǵana Ýkraına prezıdenti Vladımır Zelenskıı aldaǵy apta jaǵymdy jańalyq kútip otyrǵanyn aıtqan-dy.

Osydan keıin CNN arnasy AQSH prezıdenti Ýkraınany qoldaý maqsatynda jańa áskerı paketti daıyndaǵany jaıynda habar tarata bastady. Ýkraına áskerin qoldaýǵa baǵyttalǵan jańa paketke MLRS artılerıasyn berý máselesi qarastyrylǵan.

Mamandardyń aıtýynsha, qazir AQSH pen Ýkraına atalmysh qarýdy qoldaný isi boıynsha kelsim júrgizip jatýy múmkin.

Budan basqa The New York Times basylymy da AQSH Baıden ákimshiligi Ýkraınaǵa alys qashyqtyqtan shabýyldaıtyn qarý túrin berýge sheshim qabyldaǵanyn jazdy.