«Anadolu» agenttigi habarlaǵandai, Masharipov konstitýtsiialyq qurylymdy ózgertýge áreket qylǵan jáne 39 adamdy óltirýge qatysqan dep aiyptalyp jatyr.
Eger ol kináli dep tanylsa, qarýly terrorlyq topqa múshe bolǵany úshin 15 jylǵa jáne 39 adamdy óltirgeni úshin 2370 jylǵa bas bostandyǵynan aiyrylýy múmkin.
Jalpy «Reina» túngi klýbyndaǵy shabýyl isi boiynsha Masharipovtan bólek taǵy 57 adam aiyptalýshy qatarynda. Olardyń 18-i qamalyp, segizi jaýapkershilikke tartylǵan.
2017 jyldyń 1 qańtarynda Túrkiianyń Stambul qalasyndaǵy «Reina» túngi klýbyndaǵy shabýylda 39 adam qaza taýyp, 70-ke jýyq adam jaralanǵan. Teraktini "Islam memleketi" qozǵalysy moinyna aldy.
