Jambyl oblysynda 2018 jyly jasalǵan qaraqshylyq shabýylǵa kúdikti segiz jyldan keiin ustaldy, dep habarlaidy dalanews.kz.
Politsiianyń málimetinshe, 2018 jyly Merki aýdanyndaǵy tasjolda belgisiz er adam áielge shabýyl jasap, kúsh qoldanyp soqqyǵa jyqqan. Keiin onyń altyn áshekeilerin alyp, oqiǵa ornynan izin sýytqan.
Oqiǵadan keiin tártip saqshylary qajetti jedel-izdestirý jáne tergeý sharalaryn júrgizgen. Jábirlenýshiniń aitýy boiynsha kúdiktiniń fotoroboty jasalǵanymen, sol kezde onyń jeke basyn anyqtaý múmkin bolmaǵan. Soǵan qaramastan qylmystyq is boiynsha jumys toqtatylmaǵan.
Segiz jyldan keiin ashylmaǵan qylmystardyń materialdaryn zerdeleý kezinde politsiia qyzmetkerleriniń biri fotorobottaǵy adamdy buryn kórgen azamat retinde tanyǵan. Osy málimettiń negizinde qosymsha jedel is-sharalar uiymdastyrylǵan.
Tergeý jáne jedel-izdestirý jumystarynyń nátijesinde, prokýratýranyń úilestirýimen politseiler 41 jastaǵy kúdiktiniń júrgen jerin anyqtap, ony ustady.
Atalǵan derek boiynsha sotqa deiingi tergep-tekserý amaldary júrgizilip jatyr.
