Memleket basshysynyń gazben qamtamasyz etýdi jedeldetý jáne onyń deńgeiin 80%-ǵa deiin jetkizý jónindegi tapsyrmalaryn júzege asyrý aiasynda qaitarylǵan aktivter esebinen Jambyl oblysynda «Shý» avtomattandyrylǵan gaz taratý stansasynyń qurylysy aiaqtalady, dep habarlaidy dalanews.kz.
Úkimet bul maqsatqa Arnaýly memlekettik qordan 2,9 mlrd teńge bóldi.
Stansany iske qosý jylytý maýsymynda gaz tapshylyǵy máselesin sheshýge múmkindik beredi. Qazirgi tańda aýdandy tabiǵi gazben qamtý Shý qalasynan 100 shaqyrymnan astam qashyqtyqta ornalasqan «Qordai» atvtomattandyrylǵan gaz taratý stansasy arqyly qamtamasyz etiledi. Atalǵan stansanyń qýaty tutyný kóleminiń ósýine eseptelmegen.
Jańa nysandy paidalanýǵa berý infraqurylymdyq shekteýlerdi joiyp, turǵyn úi sektoryn, ortalyq qazandyqty jáne kásipkerlik nysandaryn kógildir otynmen úzdiksiz qamtamasyz etedi. Jalpy joba Shý jáne Moiynqum aýdandarynyń 84 myń turǵynyn turaqty gazben qamtýǵa, sondai-aq jańa abonentterge tehnikalyq sharttar berýdi qaita bastaýǵa múmkindik beredi.
Búginde qurylys alańynda 29 qondyrǵy men jabdyqtar jiyntyǵy ornatylyp, blokaralyq kommýnikatsiialar qosý jumystary júrgizilýde.
