Jambyl oblysynda politseiler zańsyz ainalymnan 3 kelige jýyq gashish tárkiledi, dep habarlaidy dalanews.kz.
Merki aýdanynda 64 jastaǵy azamattyń turǵylyqty mekenjaiynda júrgizilgen tintý kezinde gashish salynǵan paket tabyldy.
Sonymen qatar Qordai – Almaty avtojolynyń 238-shaqyrymynda politseiler aq tústi Toyota avtokóligin toqtatty. Tekserý barysynda 48 jastaǵy jolaýshy áieldiń sómkesinen gashish salynǵan tórt oram anyqtaldy.
Tárkilengen gashishtiń jalpy salmaǵy 3 kelige jýyq bolǵan. Atalǵan derekter boiynsha sotqa deiingi tergeý bastaldy. Kúdiktiler ýaqytsha ustaý izoliatoryna qamaldy.
Qazirgi tańda qylmysqa qatysy bar ózge tulǵalardy anyqtaý maqsatynda jedel-izdestirý sharalary jalǵasyp jatyr.
