2025 jylǵy 17–18 qyrkúiekte elordada Álemdik jáne dástúrli dinder liderleriniń VIII sezi ótti. Bul halyqaralyq aýqymdy jiynǵa Islam bilim, ǵylym jáne mádeniet máseleleri jónindegi uiymnyń (ISESKO) Bas direktory, doktor Salim bin Muhammed Ál-Malik arnaiy shaqyryldy, dep habarlaidy Dalanews.kz
Túrki mádenieti jáne murasy qorynyń bastamasy men qoldaýynyń nátijesinde Bas direktordyń sapary tek Astanadaǵy forýmmen shektelmei, elimizdiń tarihi-rýhani ortalyqtaryna jalǵasty. 19–21 qyrkúiek kúnderi ol Shymkent pen Túrkistan oblysyna baryp, birqatar mańyzdy kezdesý ótkizdi.
Shymkenttegi kezdesý
19 qyrkúiekte doktor Salim bin Muhammed Ál-Malik Shymkent qalasyna kelip, qala ákimi Ǵabit Syzdybekpen resmi júzdesti.
Kezdesý barysynda mádeni mura men halyqaralyq yntymaqtastyqty keńeitý, Qazaqstannyń tarihi eskertkishterin Islam áleminiń mádeni muralar tizimine engizý máseleleri talqylandy.
Sol kúni Bas direktor juma namazyna qatysyp, Sairam aýdanyndaǵy Ibrahim ata men Qarashash ana kesenelerine ziiarat etti. Keshkisin qala ákiminiń atynan qurmetti qonaqtarǵa mádeni baǵdarlama usynyldy.
Túrkistan sapary
20 qyrkúiekte delegatsiia «Shymqala» tarihi-mádeni keshenin, oblystyq tarihi-ólketaný murajaiyn aralap, Otyrar aýdanyna sapar jasady. Qonaqtar Arystan bab kesenesine ziiarat jasap, odan keiin Túrkistan qalasyna at basyn burdy. Oblys basshylyǵymen kezdesý barysynda aimaqtyń mádeni-rýhani áleýetin tanystyrýǵa basymdyq berildi.
21 qyrkúiekte Túrkistan oblysynyń ákimimen resmi kelissózder ótkizilip, Qoja Ahmet Iasaýi atyndaǵy halyqaralyq qazaq-túrik ýniversitetinde ustazdar men stýdenttermen júzdesý ótti. Sonymen birge, ISESKO Bas direktory Qoja Ahmet Iasaýi kesenesi, «Uly Dala Eli» ortalyǵy, Túrkistan mýzykalyq drama teatry jáne «Kerýen Sarai» keshenin aralady.
Mádeni diplomatiianyń mańyzy
Bul sapar – Qazaqstannyń bai mádeni murasyn halyqaralyq deńgeide nasihattaýǵa, tarihi eskertkishterimizdi Islam áleminiń ortaq murasyna engizýge jáne mádeni diplomatiiany damytýǵa jol ashatyn mańyzdy qadam.
Bizdiń Qor úshin mádeni mura – ótkenniń izi, bolashaq urpaqqa amanat.
Shymkent pen Túrkistan óńiriniń qasietti oryndary – túrki órkenieti men islam mádenietin bailanystyratyn altyn kópir.
ISESKO Bas direktorynyń Qazaqstanǵa sapary – yntymaqtastyqtyń jańa kezeńin bastaýǵa, elimizdiń halyqaralyq bedelin arttyrýǵa jáne týrizm men mádeni bailanystarǵa tyń serpin berýge baǵyttalǵan elimizdiń mádeni diplomatiiasyndaǵy mańyzdy beles.
ISESKO Bas direktorynyń Qazaqstanǵa sapary – tek mádeni yntymaqtastyqty nyǵaitý ǵana emes, halqymyzdyń bai rýhani qazynasyn álemdik deńgeide tanytýǵa jol ashqan mańyzdy tarihi kezeń. Bul sapar arqyly Qazaqstannyń mádeni murasy islam órkenietiniń ortaq igiligi retinde jańa beleske kóterildi. Qazaqstannyń bai mádenieti men rýhani qazynasy túrki álemi men islam órkenietin jalǵaityn altyn kópir bolyp qala beredi.
