– Biz bul máseleni talqyladyq, turǵyn úılerde ornalasqan atalǵan oryndardyń jumysyna túngi on birden keıin tyıym salý máselesin máslıhatqa engizýdi kózdep otyrmyz, – dep habarlady Á.Isekeshev qaladaǵy turǵyn úı keshenderiniń biriniń turǵyny qoıǵan suraqqa jaýap bere otyryp. – Bul máseleni máslıhat deńgeıinde sheshý qajet, eger bolmaı jatsa, zańnamaǵa túzetý engizýdi ótinemiz. Turǵyndardyń quqyqtary – birinshi kezektegi másele. Sondyqtan bul jerde (túngi ýaqytta jumys isteıtin oıyn-saýyq oryndaryna qatysty - Red.) sharalardy qataıtý múmkindigin qarastyrý qajet. Birinshi ret – aıyppul, ekinshi ret – aıyppul somasy kóbirek, úshinshi ret – qyzmetine tyıym salý. Bizge bul baǵytta zańnamalyq túrdegi jumysty pysyqtaý qajet, – dep qorytyndylady Astana ákimi.
Derekkózi: inform.kz
