Interpol Qairat Satybaldynyń qaiyn atasy Bahtiiar Baiseiitovke izdeý jariialady, - dep habarlaidy Dalanews.kz
"Qaztag" málimetinshe, Interpol Bahtiiar Baiseiitovke Qarataý kenishindegi urlyq faktisi boiynsha izdeý salǵan.
"Antikora" press-relizinde aitylǵan "Iri building" JShS-niń izdeýde júrgen iesi – Satybaldynyń qaiyn atasy. Qazir Interpol ony izdeýmen ainalysyp jatyr», - deidi derekkóz.
Aita keteiik, búgin Antikor Qarataý kenishindegi ýran óńdeý kásipornyn jańǵyrtý kezinde 862 mln teńge jymqyrý faktisi boiynsha tergeý aiaqtalǵanyn habarlady.
Sybailas jemqorlyqqa qarsy qyzmet "Qarataý" JShS burynǵy basshylyǵyna ("Qazatomónerkásip" UAK AQ enshiles uiymy), "Iri building" JShS merdigerlik uiymynyń direktoryna, sondai-aq avtorlyq jáne tehnikalyq qadaǵalaý ókilderine qatysty tergeýdi aiaqtady.
Merdiger 2019-2021 jyldary Túrkistan oblysy Sozaq aýdanyndaǵy Qarataý kenishinde ýran óńdeý kásipornyn jańǵyrtý jobasyn iske asyrý sheńberinde qurylys-montajdaý jumystaryna bólingen 862 mln teńgeni jymqyrdy degen kúdikke ilindi.
Jymqyrý avtorlyq, tehnikalyq qadaǵalaý ókilderiniń qoldaýymen jáne "Qarataý" JShS basshylyǵy tarapynan nemqurailylyq nátijesinde jasalǵan.
Qylmystyq is máni boiynsha qaraý úshin sotqa jiberildi. Sóz bolyp otyrǵan "Iri building" JShS-niń iesi izdeýde.
