Qostanai oblysynyń turǵyny internette ziiandy baǵdarlama taratqany úshin sottaldy, – dep habarlaidy Dalanews.kz IIM baspasóz qyzmetine silteme jasap.
Qostanai oblysy boiynsha UQKD jáne PD oblystyq prokýratýranyń úilestirýimen internet jelisinde ziiandy baǵdarlamany (virýstardy) taratýmen ainalysqan 24 jastaǵy jergilikti turǵynnyń quqyqqa qaishy áreketi toqtatyldy.
Ziian baǵdarlama internet paidalanýshylardyń jeke derekterin (loginder, parolder, IP-mekenjailar) alýǵa múmkindik berdi. Olardy internet-alaiaqtar qylmystyq jolmen paida tabý úshin qoldana alady.
Sondai-aq sotqa deiingi tergeý materialdary qaskúnemniń zańsyz túrde ziiandy baǵdarlamalar jasaýǵa úiretý boiynsha óz qyzmetterin satqanyn kýálandyrady.
Nº2 sot úkimimen ol QR QK-niń 210-babynyń 1-bóliminde (Ziian keltiretin kompiýterlik baǵdarlamalar men baǵdarlamalyq ónimderdi jasaý, paidalaný nemese taratý) kózdelgen qylmysty jasaǵany úshin kináli dep tanylyp, bir jylǵa bas bostandyǵyn shekteýge, 100 saǵatqa májbúrli eńbekke jáne 15 AEK (55380 teńge) aiyppul salýǵa, barlyq kompiýterlik tehnikany alyp qoiýǵa úkim shyǵaryldy. Úkim zańdy kúshine endi.
