Internette Mirziiaevti synaǵan azamattyń ústinen is qozǵaldy
Jizaq oblysy prokýratýrasynyń habarlaýynsha, kúdikti Youtube platformasynda akkaýnt, Facebook-te paraqsha ashyp, V. K. degen qysqartylǵan atpen videolar jariialaǵan, tikelei efirge shyqqan.
– Ol bul videolarda prezident bastamasymen júrgizilgen aýqymdy reformalardy teristep, prezidentke til tigizgen, memleket basshysynyń mansabyna nuqsan keltiretin aqparattar taratqan, sol arqyly oǵan jala japqan, – delingen prokýratýra málimdemesinde.
Memlekettik qaýipsizdik qyzmetiniń Jizaq oblysy boiynsha basqarmasy Bahmal aýdanynyń turǵynynyń ústinen «Ózbekstan prezidentine kópshilik aldynda til tigizý nemese jala jabý» qylmysy boiynsha is qozǵaldy.
Taǵylǵan aiyp dáleldense, ol bes jylǵa deiin sottalýy múmkin.
Byltyr naýryz aiynda Ózbekstannyń qylmystyq kodeksine prezidentke jala japqandarǵa jaza qoldanýdy qarastyratyn zań erejesi engizildi. 30 naýryzda zańǵa prezident Shavkat Mirziiaev qol qoidy.
