جيزاق وبلىسى پروكۋراتۋراسىنىڭ حابارلاۋىنشا، كۇدىكتى Youtube پلاتفورماسىندا اككاۋنت، Facebook-تە پاراقشا اشىپ، ۆ. K. دەگەن قىسقارتىلعان اتپەن ۆيدەولار جاريالاعان، تىكەلەي ەفيرگە شىققان.
– ول بۇل ۆيدەولاردا پرەزيدەنت باستاماسىمەن جۇرگىزىلگەن اۋقىمدى رەفورمالاردى تەرىستەپ، پرەزيدەنتكە ءتىل تيگىزگەن، مەملەكەت باسشىسىنىڭ مانسابىنا نۇقسان كەلتىرەتىن اقپاراتتار تاراتقان، سول ارقىلى وعان جالا جاپقان، – دەلىنگەن پروكۋراتۋرا مالىمدەمەسىندە.
مەملەكەتتىك قاۋىپسىزدىك قىزمەتىنىڭ جيزاق وبلىسى بويىنشا باسقارماسى باحمال اۋدانىنىڭ تۇرعىنىنىڭ ۇستىنەن «وزبەكستان پرەزيدەنتىنە كوپشىلىك الدىندا ءتىل تيگىزۋ نەمەسە جالا جابۋ» قىلمىسى بويىنشا ءىس قوزعالدى.
تاعىلعان ايىپ دالەلدەنسە، ول بەس جىلعا دەيىن سوتتالۋى مۇمكىن.
بىلتىر ناۋرىز ايىندا وزبەكستاننىڭ قىلمىستىق كودەكسىنە پرەزيدەنتكە جالا جاپقاندارعا جازا قولدانۋدى قاراستىراتىن زاڭ ەرەجەسى ەنگىزىلدى. 30 ناۋرىزدا زاڭعا پرەزيدەنت شاۆكات ميرزيايەۆ قول قويدى.
