«Intellektýaldy kólik júiesi» jobasy birneshe kezeń boiynsha júzege asyrylatyn bolady. Osy jańa júie boiynsha «aqyldy» baǵdarshamdar ornatý qolǵa alynyp otyr. Olar keptelis bolmaý úshin júrgizýshilerdi kólik qozǵalysy az kóshelerge baǵyttaidy. Búginde mundai baǵdarsham qalanyń Adyrbekov pen Jibek joly kósheleriniń qiylysynda ornalasqan. Al osy jyly 12 baǵdarsham ornatý josparlanǵan bolsa, onyń ishinde ekeýi aqyldy baǵdarsham. Jalpy qalada kóshe qiylystarynyń ótkizgishtik qabilettigin 269 baǵdarsham keshenderi qamtamasyz etedi.
Intellektýaldy kólik júiesiniń taǵy bir kezeńi – foto jáne beinejazba júiesi. Bul boiynsha Shymkent qalasynda barlyǵy 992 foto-beinejazba qurylǵylary ornatylǵan. Sonyń ishinde 479 kamera jol erejelerin buzǵan kólik quraldaryn anyqtasa, 513 kamera jalpy sholýǵa arnalǵan. Barlyq beine baqylaý kameralary Qalalyq Ishki ister basqarmasyndaǵy Shuǵyl basqarý ortalyqtary arqyly jiti qadaǵalanady.
Budan bólek, jańa júiede qoǵamdyq kólikterdi baqylaý jáne elektrondyq biletteý de qaralǵan. Máselen, Shymkent qalalyq qoǵamdyq kólik jelisi 78 baǵyttan turady. Barlyq avtobýstar derekterdi naqty ýaqyt rejiminde málimet berý qurylǵysymen (GPS) tolyǵymen jabdyqtalǵan. «Dispetcherlik qyzmet ortalyǵy» jumys jasaidy. Al, qaladaǵy qoǵamdyq kólikterge elektrondy bilet júiesin endirý boiynsha «SMART-JKH» JShS-gi men aǵymdaǵy jyldyń aqpan aiynda memorandým túzilgen.
Tutastai alǵanda, oblys ákimdigi tarapynan Intellektýaldy kólik júieleriniń negizgi komponentterin endirý jáne damytý boiynsha jumystar bekitilgen Jol kartasyna sáikes, respýblikalyq biryńǵai júiege kezeń-kezeńimen integratsiialaý arqyly júzege asatyn bolady.
OQO ákiminiń baspasóz qyzmeti
